ಗುರುಗ್ರಾಮ್: ಜಪಾನ್‌ನ ದ್ವಿಚಕ್ರ ವಾಹನ ವಿಭಾಗವಾದ ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ಪ್ರೈ. ಲಿಮಿಟೆಡ್ (SMIPL) ಇಂದು 2025ರ ಸುಜುಕಿ GSX-8R ಅನ್ನು ಅನಾವರಣಗೊಳಿಸಿದೆ. ಈ ಹೊಸ ಮಾದರಿಯು ಇತ್ತೀಚಿನ OBD-2B (ಆನ್-ಬೋರ್ಡ್ ಡಯಾಗ್ನಾಸ್ಟಿಕ್ಸ್) ಮಾನದಂಡಗಳಿಗೆ ಸಂಪೂರ್ಣವಾಗಿ ಅನುಗುಣವಾಗಿದ್ದು, ಮಾಲಿನ್ಯ ನಿಯಮಗಳಿಗೆ ಒಗ್ಗಿಕೊಳ್ಳುವುದರ ಜೊತೆಗೆ, ಉತ್ಸಾಹಿ ರೈಡರ್‌ಗಳು ಮತ್ತು ದೈನಂದಿನ ಸವಾರರ ಎರಡೂ ಬಗೆಯ ಅಗತ್ಯಗಳನ್ನು ಪೂರೈಸುವ ಕಾರ್ಯಕ್ಷಮತೆ-ಆಧಾರಿತ ಸವಾರಿಯ ಅನುಭವವನ್ನು ನೀಡುತ್ತದೆ.
ಈ ಕುರಿತು ಮಾತನಾಡಿದ ಸುಜುಕಿ ಮೋಟಾರ್‌ಸೈಕಲ್ ಇಂಡಿಯಾ ಪ್ರೈ. ಲಿಮಿಟೆಡ್‌ನ ಮಾರಾಟ ಮತ್ತು ಮಾರ್ಕೆಟಿಂಗ್ ಉಪಾಧ್ಯಕ್ಷರಾದ ಶ್ರೀ ದೀಪಕ್ ಮುತ್ರೇಜಾ, “GSX-8R ನ OBD-2B ನವೀಕರಣವು ಉತ್ತಮ ಮಾಲಿನ್ಯ ಮೇಲ್ವಿಚಾರಣೆಯೊಂದಿಗೆ ಇದರ ಕಾರ್ಯಕ್ಷಮತೆಯನ್ನು ಉನ್ನತೀಕರಿಸಿದೆ, ಇದು ಇತ್ತೀಚಿನ ನಿಯಂತ್ರಣ ಮಾನದಂಡಗಳಿಗೆ ಸಂಪೂರ್ಣವಾಗಿ ಒಗ್ಗಿಕೊಳ್ಳುತ್ತದೆ. ಇದರಿಂದ ಗ್ರಾಹಕರು ಪರಿಮಿತವಾದ ಮತ್ತು ತ್ವರಿತವಾಗಿ ಪ್ರತಿಕ್ರಿಯಿಸುವ ಸವಾರಿಯ ಅನುಭವವನ್ನು, ಪರಿಸರ ಮಾನದಂಡಗಳಿಗೆ ಅನುಗುಣವಾಗಿ ಆನಂದಿಸಬಹುದು” ಎಂದು ಹೇಳಿದ್ದಾರೆ.
ಶಕ್ತಿಶಾಲಿ ಎಂಜಿನ್ ಮತ್ತು ಸುಗಮ ಕಾರ್ಯಕ್ಷಮತೆ:
ಸುಜುಕಿ GSX-8R 776cc ಪ್ಯಾರಲಲ್ ಟ್ವಿನ್ DOHC 4-ವಾಲ್ವ್-ಪ್ರತಿ-ಸಿಲಿಂಡರ್ ಎಂಜಿನ್‌ನ್ ಹೋಂದಿದ್ದು, 270-ಡಿಗ್ರಿ ಕ್ರ್ಯಾಂಕ್‌ಶಾಫ್ಟ್‌ನೊಂದಿಗೆ ಜೋಡಿಸಲಾಗಿದೆ. ಇದು ಸುಗಮವಾದ, ನಿಯಂತ್ರಿಸಬಹುದಾದ ಶಕ್ತಿಯನ್ನು ಒದಗಿಸುತ್ತದೆ ಮತ್ತು V-ಟ್ವಿನ್ ಎಂಜಿನ್‌ಗೆ ಸಮಾನವಾದ ಆಹ್ಲಾದಕರ ರಂಬಲ್ ಧ್ವನಿಯನ್ನು ನೀಡುತ್ತದೆ. ಸುಜುಕಿಯ ಪೇಟೆಂಟ್ ಪಡೆದ ಕ್ರಾಸ್ ಬ್ಯಾಲೆನ್ಸರ್ ತಂತ್ರಜ್ಞಾನವು ವೈಬ್ರೇಷನ್ ತಗ್ಗಿಸಿ, ಸುಗಮ ಸವಾರಿಯನ್ನು ಖಾತ್ರಿಪಡಿಸುತ್ತದೆ.
ಸುಧಾರಿತ ತಂತ್ರಜ್ಞಾನ :
ಈ ಮೋಟಾರ್‌ಸೈಕಲ್ ಸುಜುಕಿಯ ಅತ್ಯಾಧುನಿಕ ಇಂಟೆಲಿಜೆಂಟ್ ರೈಡ್ ಸಿಸ್ಟಮ್ (S.I.R.S.) ಅನ್ನು ಒಳಗೊಂಡಿದೆ. ಇದರಲ್ಲಿ ಸುಜುಕಿ ಡ್ರೈವ್ ಮೋಡ್ ಸೆಲೆಕ್ಟರ್ (SDMS), ಸುಜುಕಿ ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್ (STCS), ರೈಡ್-ಬೈ-ವೈರ್ ಎಲೆಕ್ಟ್ರಾನಿಕ್ ಥ್ರಾಟಲ್ ಸಿಸ್ಟಮ್, ಬೈ-ಡೈರೆಕ್ಷನಲ್ ಕ್ವಿಕ್ ಶಿಫ್ಟ್ ಸಿಸ್ಟಮ್, ಸುಜುಕಿ ಈಸಿ ಸ್ಟಾರ್ಟ್ ಸಿಸ್ಟಮ್ ಮತ್ತು ಲೋ ಆರ್‌ಪಿಎಂ ಅಸಿಸ್ಟ್‌ನಂತಹ ಸುಧಾರಿತ ಎಲೆಕ್ಟ್ರಾನಿಕ್ ರೈಡರ್ ಸಹಾಯ ವ್ಯವಸ್ಥೆಗಳು ಸೇರಿವೆ. ಇದರ ಜೊತೆಗೆ, ಆರು-ವೇಗದ ಟ್ರಾನ್ಸ್‌ಮಿಷನ್ ಮತ್ತು ಸುಜುಕಿ ಕ್ಲಚ್ ಅಸಿಸ್ಟ್ ಸಿಸ್ಟಮ್ (SCAS) ಅನ್ನು ಅಳವಡಿಸಲಾಗಿದೆ.
ಆಕರ್ಷಕ ವಿನ್ಯಾಸ ಮತ್ತು ಉತ್ತಮ ಹ್ಯಾಂಡ್ಲಿಂಗ್:
ಸುಜುಕಿ GSX-8R ನ ಸ್ಟೈಲಿಂಗ್ ಅದರ ಮಾಸ್-ಫಾರ್ವರ್ಡ್ ಸ್ಟಾನ್ಸ್, ಫೋರ್ಜ್ಡ್ ಅಲ್ಯೂಮಿನಿಯಂ ಸೆಪರೇಟ್ ಹ್ಯಾಂಡಲ್‌ಬಾರ್‌ಗಳು, ಏರೋಡೈನಾಮಿಕ್‌ ಆಗಿ ಪರೀಕ್ಷಿತ ವಿಂಡ್‌ಸ್ಕ್ರೀನ್ ಮತ್ತು ಲಂಬವಾಗಿ ಜೋಡಿಸಲಾದ ಷಡ್ಭುಜಾಕಾರದ LED ಹೆಡ್‌ಲೈಟ್‌ಗಳಿಂದ ಮಿಂಚಲಿದೆ.
ಉತ್ತಮ ಸಸ್ಪೆನ್ಷನ್ ಮತ್ತು ಬ್ರೇಕಿಂಗ್ ವ್ಯವಸ್ಥೆ:
ಈ ಬೈಕ್‌ನಲ್ಲಿ ಹಿಟಾಚಿ ಆಸ್ಟೆಮೊ (ಶೋವಾ) SFF-BP ಇನ್ವರ್ಟೆಡ್ ಫ್ರಂಟ್ ಫೋರ್ಕ್‌ಗಳು ಮತ್ತು ಹಿಟಾಚಿ ಆಸ್ಟೆಮೊ (ಶೋವಾ) ಲಿಂಕ್-ಟೈಪ್ ಮೊನೊ-ಶಾಕ್ ರಿಯರ್ ಸಸ್ಪೆನ್ಷನ್‌ನೊಂದಿಗೆ ಪ್ರಿಲೋಡ್ ಅಡ್ಜಸ್ಟರ್ ಇದೆ. ಬ್ರೇಕಿಂಗ್ ವ್ಯವಸ್ಥೆಯು ಡ್ಯುಯಲ್ ಫೋರ್-ಪಿಸ್ಟನ್ ರೇಡಿಯಲ್-ಮೌಂಟ್ ಫ್ರಂಟ್ ಬ್ರೇಕ್ ಕ್ಯಾಲಿಪರ್‌ಗಳೊಂದಿಗೆ 310 ಎಂಎಂ ಔಟರ್ ಡಯಾಮೀಟರ್ ಡ್ಯುಯಲ್ ಡಿಸ್ಕ್‌ಗಳನ್ನು ಒಳಗೊಂಡಿದೆ. ಇದು ಡನ್‌ಲಪ್ ರೋಡ್‌ಸ್ಪೋರ್ಟ್ 2 ರೇಡಿಯಲ್ ಟೈರ್‌ಗಳೊಂದಿಗೆ ತೂಕದಲ್ಲಿ ಕಡಿಮೆಯಾದ ಕಾಸ್ಟ್ ಅಲ್ಯೂಮಿನಿಯಂ ಚಕ್ರಗಳ ಮೇಲೆ ಸವಾರಿಯಾಗುತ್ತದೆ.
ಬಣ್ಣಗಳ ಆಯ್ಕೆ ಮತ್ತು ಬೆಲೆ:
ಸುಜುಕಿ GSX-8R ಮೂರು ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿದೆ: ಮೆಟಾಲಿಕ್ ಟ್ರಿಟಾನ್ ಬ್ಲೂ, ಮೆಟಾಲಿಕ್ ಮ್ಯಾಟ್ ಸ್ವೋರ್ಡ್ ಸಿಲ್ವರ್, ಮತ್ತು ಮೆಟಾಲಿಕ್ ಮ್ಯಾಟ್ ಬ್ಲಾಕ್ ನಂ.2. ಇದರ ಬೆಲೆ ಭಾರತದ ಸುಜುಕಿಯ ಬಿಗ್ ಬೈಕ್ ಡೀಲರ್‌ಶಿಪ್‌ಗಳಲ್ಲಿ ಎಕ್ಸ್-ಶೋರೂಮ್ ದೆಹಲಿಯಲ್ಲಿ 9,25,000 ರೂಪಾಯಿಗಳಾಗಿದೆ. ಈ ಹೊಸ ಮಾದರಿಯು ಉತ್ಸಾಹಿ ಸವಾರರಿಗೆ ಪ್ರೀಮಿಯಂ ಕಾರ್ಯಕ್ಷಮತೆ ಮತ್ತು ಸುಧಾರಿತ ತಂತ್ರಜ್ಞಾನದೊಂದಿಗೆ ಆಹ್ಲಾದಕರ ಸವಾರಿಯ ಅನುಭವವನ್ನು ನೀಡಲು ಸಿದ್ಧವಾಗಿದೆ.
