ಬೆಂಗಳೂರು: ಜಾತಿಗಣತಿಯಲ್ಲಿನ ಕೆಲವು ರಹಸ್ಯಗಳು ಬಹಿರಂಗವಾಗಿವೆ. ಕೆಲವು ಜನರು ತಮ್ಮ ಜಾತಿ ಹೇಳಿಕೊಳ್ಳಲು ಹಿಂದೇಟು ಹಾಕಿದರೆ, ಕೆಲವರಿಗೆ ತಮ್ಮ ಜಾತಿಯೇ ಗೊತ್ತಿಲ್ಲವಂತೆ.
ರಾಜ್ಯದಲ್ಲಿ ತಮ್ಮ ಜಾತಿಯೇ ಗೊತ್ತಿಲ್ಲದ ಲಕ್ಷಾಂತರ ಮಂದಿ ಇರುವುದು ಕೂಡು ಕುತೂಹಲಕ್ಕೆ ಕಾರಣವಾಗಿದೆ. ಜಾತಿ ಹೇಳಲು ನಿರಾಕರಿಸಿದವರ ಸಂಖ್ಯೆ ಕೂಡ ಲಕ್ಷ ಲಕ್ಷ ಇದೆ. ಜಾತಿ ಗಣತಿಯಲ್ಲಿ ಜಾತಿ ರಹಿತ ಎಂದು ಗುರುತಿಸಿಕೊಂಡಿರುವವರ ಸಂಖ್ಯೆ 1,34,319 ಎನ್ನಲಾಗಿದೆ. ಜಾತಿಯೇ ಗೊತ್ತಿಲ್ಲ ಎಂದಿರುವವರ ಸಂಖ್ಯೆ 1,94,003 ಇದೆ. ಜಾತಿ ಹೇಳಲು ನಿರಾಕರಿಸಿರುವವರ ಸಂಖ್ಯೆ 2,53,954 ಇದೆ. ಜಾತಿ ಗುರುತಿಸಲು ಸಾಧ್ಯವಾಗದ 3,755 ಜನರಿದ್ದಾರೆ ಎಂಬ ಕುತೂಹಲ ಸಂಗತಿ ಈಗ ಹೊರ ಬಿದ್ದಿದೆ.
