2 ಲಕ್ಷ ರೂ. ಹೂಡಿಕೆ, 7.5% ಬಡ್ಡಿ; ಹೆಣ್ಮಕ್ಕಳಿಗೇ ಇರೋ ಸ್ಕೀಮ್ ಇದು!

ಹೆಣ್ಣುಮಕ್ಕಳು ತಾವು ಕಷ್ಟಪಟ್ಟು ದುಡಿದ ಹಣವನ್ನು, ಉಳಿಸಿದ ಹಣವನ್ನು ಸಾಸಿವೆ ಡಬ್ಬದಲ್ಲೇ ಕೂಡಿಡುವ ಕಾಲ ಅಲ್ಲ ಇದು. ಹೆಣ್ಣುಮಕ್ಕಳು ಕೂಡ ಈಗ ಹೂಡಿಕೆ ಮಾಡಬಹುದು. ಅಲ್ಲದೆ, ಕೇಂದ್ರ ಸರ್ಕಾರವು ಹೆಣ್ಣುಮಕ್ಕಳು ಕೂಡ ಉಳಿಸಿದ ಹಣವನ್ನ ಹೂಡಿಕೆ ಮಾಡಬೇಕು, ಅವರೂ ಹೆಚ್ಚಿನ ಲಾಭ ಗಳಿಸಬೇಕು ಎಂದು ಪ್ರತ್ಯೇಕ ಯೋಜನೆಯನ್ನೇ ಜಾರಿಗೆ ತಂದಿದೆ. ಹಾಗಾದ್ರೆ ಯಾವ್ದದು ಯೋಜನೆ? ಹೆಣ್ಣುಮಕ್ಕಳು ಹೂಡಿಕೆ ಮಾಡೋದು ಹೇಗೆ? ಇದೇ ಈ ಹೊತ್ತಿನ ಸ್ಪೆಷಲ್ ಸ್ಟೋರಿ.

ದುಡ್ಡಿರೋ ಹೆಣ್ಣುಮಕ್ಕಳೇ ಇಲ್ಲಿ ಗಮನಿಸಿ
ನಿಮಗೆಂದೇ ಇದೆ ಹೂಡಿಕೆಯ ಯೋಜನೆ
ಎರಡು ವರ್ಷ ಉಳಿಸಿ, ಬಳಿಕ ದುಡ್ಡು ಎಣಿಸಿ

ಹೌದು, ಹೆಣ್ಣುಮಕ್ಕಳು ಕೂಡ ಹಣ ಉಳಿಸಬೇಕು, ಹೂಡಿಕೆ ಮಾಡಬೇಕು, ಅವರೂ ಹೆಚ್ಚಿನ ಆದಾಯ ಗಳಿಸಬೇಕು ಎಂದು ಕೇಂದ್ರ ಸರ್ಕಾರವು ಮಹಿಳಾ ಸಮ್ಮಾನ್ ಉಳಿತಾಯ ಪತ್ರ ಅಥವಾ ಎಂಎಸ್ ಎಸ್ ಸಿ ಎಂಬ ಯೋಜನೆಯನ್ನ ಜಾರಿಗೊಳಿಸಿದೆ. ಎರಡು ವರ್ಷಗಳವರೆಗೆ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ ಹೆಣ್ಣುಮಕ್ಕಳಿಗೆ ಶೇ.7.5ರಷ್ಟು ಬಡ್ಡಿಯ ಲಾಭ ದೊರೆಯುತ್ತದೆ.

2 ವರ್ಷಕ್ಕೆ 2 ಲಕ್ಷ ರೂಪಾಯಿ ಹೂಡಿಕೆ ಮಾಡಿ
ಎರಡು ವರ್ಷಗಳಿಗೆ ಶೇ.7.5ರ ಬಡ್ಡಿ ಲಾಭ ಗಳಿಸಿ
ಕೇಂದ್ರ ಸರ್ಕಾರ ಯೋಜನೆ ಇದು ಹೆಚ್ಚು ಸುರಕ್ಷಿತ

ಕೇಂದ್ರ ಸರ್ಕಾರದ ಯೋಜನೆ ಇದಾಗಿರುವ ಕಾರಣ ಸುರಕ್ಷತೆಯ ಬಗ್ಗೆ ಚಿಂತೆಯೇ ಬೇಡ. ಶೇಕಡ 7.5ರ ಬಡ್ಡಿ ಲಾಭಾಂಶ ಖಾತ್ರಿ ನೀಡುವ ಈ ಯೋಜನೆಯಲ್ಲಿ ಎರಡು ವರ್ಷಗಳ ಅವಧಿಗೆ 2 ಲಕ್ಷ ರೂ. ಹೂಡಿಕೆ ಮಾಡಬೇಕಾಗುತ್ತದೆ. ಅಗತ್ಯಬಿದ್ದಾಗ ಅವಧಿಗೆ ಮುನ್ನ ಹಣವನ್ನು ಭಾಗಶಃ ಹಿಂಪಡೆದುಕೊಳ್ಳಲು ಮಹಿಳಾ ಸಮ್ಮಾನ್ ಉಳಿತಾಯ ಪತ್ರ ಯೋಜನೆ ಅವಕಾಶ ಕಲ್ಪಿಸುತ್ತದೆ. ಆದರೆ ಹೂಡಿಕೆ ಮಾಡಿದವರಿಗೆ ಯಾವುದೇ ತೆರಿಗೆ ಅನುಕೂಲ ಸಿಗೋದಿಲ್ಲ.

ಮೊದಲ ವರ್ಷದಲ್ಲಿ 15 ಸಾವಿರ ರೂ. ಬಡ್ಡಿ
ಎರಡನೇ ವರ್ಷಕ್ಕೆ ಸಿಗಲಿದೆ 16,125 ರೂ. ಬಡ್ಡಿ
ಎರಡೇ ವರ್ಷದಲ್ಲಿ 31 ಸಾವಿರ ರೂ. ರಿಟರ್ನ್ಸ್

ಹೆಣ್ಣುಮಕ್ಕಳು ಮಹಿಳಾ ಸಮ್ಮಾನ್ ಉಳಿತಾಯ ಪತ್ರದಲ್ಲಿ 2 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ, ಮೊದಲ ವರ್ಷ 15 ಸಾವಿರ ರೂ. ಬಡ್ಡಿ ಮತ್ತು ಎರಡನೇ ವರ್ಷ 16,125 ರೂ. ಬಡ್ಡಿ ಲಾಭ ಸಿಗುತ್ತದೆ. ಇದರಿಂದಾಗಿ ಎರಡು ವರ್ಷಗಳಲ್ಲಿ ನಿಮ್ಮ 2 ಲಕ್ಷ ರೂಪಾಯಿ ಹೂಡಿಕೆ ಮೊತ್ತವು 2.31 ಲಕ್ಷ ರೂಪಾಯಿ ಆಗುತ್ತದೆ.

ಬೇಕೆಂದಾಗ ವಾಪಸ್ ಪಡೆಯೋ ಸೌಲಭ್ಯ
ಅಲ್ಪಾವಧಿ ಹೂಡಿಕೆಗೆ ಇದು ಬೆಸ್ಟ್
ಕೂಡಲೇ ಹೂಡಿಕೆ ಮಾಡಿ, ದುಡ್ಡು ಗಳಿಸಿ

ಮಹಿಳಾ ಸಮ್ಮಾನ್ ಉಳಿತಾಯ ಪತ್ರ ಯೋಜನೆಯಲ್ಲಿ ಬೇಕೆಂದಾಗ ಹಣ ಪಡೆದುಕೊಳ್ಳುವ ಅವಕಾಶವಿದೆ. ಹೂಡಿಕೆಗೆ ವಯಸ್ಸಿನ ಮಿತಿಯಿಲ್ಲ. ಇನ್ನು, ಹೂಡಿಕೆ ಅವಧಿ 2 ವರ್ಷ ಮಾತ್ರ ಆಗಿರುವುದರಿಂದ ಹೂಡಿಕೆದಾರರಿಗೆ ಕಷ್ಟವೆನಿಸುವುದಿಲ್ಲ. ಅಲ್ಪಾವಧಿ ಹೂಡಿಕೆಯ ಉದ್ದೇಶ ಇರುವವರಿಗೆ ಮಹಿಳಾ ಸಮ್ಮಾನ್ ಉತ್ತಮವಾಗಿದೆ.

ನಿಶ್ಚಿತ ಠೇವಣಿಗೆ ಅಥವಾ ಎಫ್.ಡಿಗೆ ಹೋಲಿಸಿದರೆ ಮಹಿಳಾ ಸಮ್ಮಾನ್ ಯೋಜನೆಯು ಹೂಡಿಕೆ ಹೂಡಿಕೆ ಆಯ್ಕೆ ಅನಿಸಿಕೊಳ್ಳುತ್ತದೆ. ಈಗಿನ ಸಂದರ್ಭದಲ್ಲಿ ನಿಶ್ಚಿತ ಠೇವಣಿಗಳಲ್ಲಿ ಬ್ಯಾಂಕುಗಳು ಗರಿಷ್ಠ ಶೇ 7ರಿಂದ ಶೇ 7.25ರಷ್ಟು ಬಡ್ಡಿ ನಿಗದಿ ಮಾಡುತ್ತಿವೆ. ಆದರೆ ಮಹಿಳಾ ಸಮ್ಮಾನ್ ಯೋಜನೆಯಲ್ಲಿ ಶೇ 7.50ರಷ್ಟು ಬಡ್ಡಿ ಲಾಭ ಲಭಿಸುತ್ತದೆ. ಹಾಗಾಗಿ, ಹೆಣ್ಣುಮಕ್ಕಳು ತಾವು ಕೂಡಿಟ್ಟ ಹಣವನ್ನು ಹೂಡಿಕೆ ಮಾಡಬಹುದಾಗಿದೆ.