ಬೆಂಗಳೂರು: ಆರ್ಸಿಬಿ ತಂಡದ ಆಟಗಾರರಿಗೆ ಯಾವಾಗಲೂ ಸವಾಲು ಹೆಚ್ಚು. ಅಂತೆಯೇ ಈ ಬಾರಿ ಕೇವಲ ಲೀಗ್‌ ಪಂದ್ಯವನ್ನಾಡಲು ಬರೋಬ್ಬರಿ 17,084 ಸಾವಿರ ಕಿ. ಮೀ. ಪ್ರಯಾಣ ಮಾಡಬೇಕಾಗಿದೆ ಎಂಬ ಮಾಹಿತಿ ಬಹಿರಂಗವಾಗಿದೆ. ಮುಂದುವರಿದು ಏನಾದರೂ ಎಲಿಮಿನೇಟರ್‌, ಪ್ಲೇ ಆಫ್ ಮತ್ತು ಫೈನಲ್‌ ಪ್ರವೇಶಿಸಿದರೆ 18 ಸಾವಿರಕ್ಕೂ ಅಧಿಕ ದೂರ ಪ್ರಯಾಣಿಸಬೇಕಿದೆ. ಹೀಗಾಗಿ ಈ ಬಾರಿ ಆಟಗಾರರಿಗೆ ಪ್ರಯಾಣದ ಹೊರೆ ಆಗಲಿದೆ.
ಎಲ್ಲ ತಂಡಗಳು ಏಳು ಪಂದ್ಯಗಳನ್ನು ತವರಿಗೆ ಸ್ಟೇಡಿಯಮ್ನಲ್ಲಿ ಮತ್ತು ಉಳಿದ ಏಳು ಪಂದ್ಯಗಳನ್ನು ಪ್ರವಾಸಿ ತಂಡವಾಗಿ ಹೋಗಿ ಎದುರಾಳಿ ತಂಡದ ಸ್ಟೇಡಿಯಮ್ಗಳಲ್ಲಿ ಆಡಲಿವೆ. ಹೀಗೆ ತಂಡವೊಂದು ಎಂಟು ವಿಭಿನ್ನ ಸ್ಥಳಗಳಲ್ಲಿ ಆಡಲಿದೆ. ಆದರೆ ಮೂರು ತಂಡಗಳು ಒಂಬತ್ತು ಸ್ಥಳಗಳಲ್ಲಿ ಆಡಲಿವೆ. ಈ ತಂಡಗಳೆಂದರೆ ಡೆಲ್ಲಿ ಕ್ಯಾಪಿಟಲ್ಸ್, ರಾಜಸ್ಥಾನ ರಾಯಲ್ಸ್ ಮತ್ತು ಪಂಜಾಬ್ ಕಿಂಗ್ಸ್. ಈ ಮೂರು ತಂಡಗಳು ಕ್ರಮವಾಗಿ ದೆಹಲಿ, ಜೈಪುರ ಮತ್ತು ಚಂಡೀಗಢ (ಮುಲ್ಲನ್‌ಪುರ)ದಲ್ಲಿ ಆಡುವ ಜತೆಗೆ ವಿಶಾಖಪಟ್ಟಣಂ, ಗುವಾಹಟಿ ಮತ್ತು ಧರ್ಮಶಾಲಾಗಳ ಎರಡನೇ ತವರು ಸ್ಥಳಗಳಲ್ಲಿಯೂ ಆಡಬೇಕಾಗಿದೆ.
ಆರ್‌ಸಿಬಿಗೆ ಪ್ರಯಾಣದ್ದೇ ಚಿಂತೆ
ಚೊಚ್ಚಲ ಐಪಿಎಲ್ ಟ್ರೋಫಿ ಗೆಲ್ಲುವ ಹಂಬಲದಲ್ಲಿರುವ ಆರ್ಸಿಬಿ(Royal Challengers Bengaluru) ತಂಡಕ್ಕೆ ಈ ಬಾರಿ ಪ್ರಯಾಣದ ಸವಾಲು ಎದುರಾಗಿದೆ. ತಂಡ ಅರ್ಧ ಸೀಸನ್ನ ಟ್ರಾವೆಲಿಂಗ್ನಲ್ಲೇ ಕಳೆಯಲಿದೆ. ಆರ್ಸಿಬಿ ಕೇವಲ ಲೀಗ್‌ ಪಂದ್ಯವನ್ನಾಡಲು ಬರೋಬ್ಬರಿ 17,084 ಸಾವಿರ ಕಿ. ಮೀ. ಪ್ರಯಾಣ ಮಾಡಲಿದೆ. ಇನ್ನು ಎಲಿಮಿನೇಟರ್‌, ಪ್ಲೇ ಆಫ್ ಮತ್ತು ಫೈನಲ್‌ ಪ್ರವೇಶಿಸಿದರೆ 18 ಸಾವಿರಕ್ಕೂ ಅಧಿಕ ದೂರ ಪ್ರಯಾಣಿಸಬೇಕಿದೆ. ಆರ್ಸಿಬಿ ಹೊರತುಪಡಿಸಿದರೆ ಚೆನ್ನೈ ಸೂಪರ್‌ ಕಿಂಗ್ಸ್ ತಂಡ 16,184 ಕಿ.ಮೀ ದೂರ ಪ್ರಯಾಣಿಸಲಿದೆ. ಡೆಲ್ಲಿ ಕ್ಯಾಪಿಟಲ್ಸ್ ಅತಿ ಕಡಿಮೆ ಪ್ರಯಾಣ ಬೆಳೆಸುವ ತಂಡವಾಗಿದೆ. 9270 ಕಿ.ಮೀ ಪ್ರಯಾಣಿಸಲಿದೆ.
ಐಪಿಎಲ್ ತಂಡಗಳ ಪ್ರಯಾಣ ಪಟ್ಟಿ
ಆರ್ಸಿಬಿ-17084 km
ಚೆನ್ನೈ- 16,184 km
ಪಂಜಾಬ್- 14,341 km
ಕೊಲ್ಕತ್ತಾ- 13,537 km
ರಾಜಸ್ಥಾನ- 12,730 km
ಮುಂಬೈ- 12,702 km
ಗುಜರಾತ್- 10,405 km
ಲಕ್ನೋ- 9747 km
ಡೆಲ್ಲಿ- 9270 km
