ಚಿಕ್ಕಬಳ್ಳಾಪುರ : ಜೆಡಿಎಸ್‌ ಪಕ್ಷಕ್ಕೆ ಭವಿಷ್ಯದಲ್ಲಿ ಉಳಿಗಾಲ ಇಲ್ಲ ಎಂಬ ಸಿಎಂ ಇಬ್ರಾಹಿಂ ಹೇಳಿಕೆ ವಿಚಾರಕ್ಕೆ ಜೆಡಿಎಸ್‌ ಶಾಸಕ ಬಿ.ಎನ್‌. ರವಿಕುಮಾರ್ ಗರಂ ಆಗಿದ್ದಾರೆ.
ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಇಬ್ರಾಹಿಂ ಕೇಂದ್ರ ಸಚಿವರಾಗಬೇಕಾದರೆ ಅದಕ್ಕೆ ಮಾಜಿ ಪ್ರದಾನಮಂತ್ರಿ ದೇವೇಗೌಡರು ಕಾರಣ. ರಾಜ್ಯಸಭೆ ಸದಸ್ಯರನ್ನಾಗಿ ಮಾಡಿ ಕೇಂದ್ರದಲ್ಲಿ ಸಚಿವರನ್ನಾಗಿ ಮಾಡಿದ್ದರು. ಇಡೀ ಕರ್ನಾಟಕ ನನ್ನ ಜೇಬಿನಲ್ಲಿದೆ ಎಂದು ಇಬ್ರಾಹಿಂ ಮಾತನಾಡುತ್ತಾರೆ. ಇಬ್ರಾಹಿಂ ಜೆಡಿಎಸ್‌ ಬಗ್ಗೆ ಮಾತನಾಡಬೇಕಾದರೆ ಎಲ್ಲಾದರೂ ಒಂದು ಕ್ಷೇತ್ರದಲ್ಲಿ ಗೆದ್ದು ಬರಲಿ. ಜೆಡಿಎಸ್‌ ಪಕ್ಷಕ್ಕೆ ಮಾಜಿ ಪ್ರಧಾನಿ ದೇವೇಗೌಡರು ಅಡಿಪಾಯ ಹಾಕಿ ಬೆಳಸಿದ್ದಾರೆ. ಎನ್‌ ಡಿ ಎ ನೇತೃತ್ವದಲ್ಲಿ ಅಧಿಕಾರಕ್ಕೆ ಬಂದೇ ಬರುತ್ತೇವೆ ಎಂದು ಹೇಳಿದ್ದಾರೆ.
