ಆಪರೇಷನ್ ಸಿಂಧೂರ್…ಪಾಕಿಸ್ತಾನದ ವಿರುದ್ಧ ಭಾರತದ ಪರಾಕ್ರಮದ ಪ್ರತಿಬಿಂಬ. ಈ ಆಪರೇಷನ್ ಸಿಂಧೂರ್ ಯಶಸ್ಸನ್ನ ಮತ್ತು ಪಾಕಿಸ್ತಾನದ ಕುತಂತ್ರವನ್ನು ವಿಶ್ವದ ಮುಂದೆ ತೆರೆದಿಡಲು ಭಾರತ ಸರ್ಕಾರ ಸಂಸದರ ನಿಯೋಗವನ್ನು ಜಗತ್ತಿನ ಮೂಲೆ ಮೂಲೆಗೆ ರವಾನಿಸಿದೆ.
ಆದೇ ಇನ್ನೊಂದೆಡೆ, ದೇಶದ ಹೆಮ್ಮೆಯ ಯೋಧರ ಯಶೋಗಾಥೆಯನ್ನು ನಮ್ಮ ಸಿನಿ ತಾರೆಯರೂ ಜಗತ್ತಿನ ಮುಂದೆ ಅನಾವರಣ ಮಾಡುತ್ತಿದ್ದಾರೆ. ಇದಕ್ಕೆ ಸಾಕ್ಷಿ ಎನ್ನುವಂತೆ ನಟಿ ಐಶ್ವರ್ಯಾ ರೈ ಫ್ರಾನ್ಸ್ ನಲ್ಲಿ ನಡೆದಿರುವ ಕಾನ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಹಣೆಗೆ ಸಿಂಧೂರವಿಟ್ಟು ಮಿಂಚಿದ್ದಾರೆ.
ಕಾನ್ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಆಪರೇಷನ್ ಸಿಂಧೂರದ ಪ್ರತಿಬಿಂಬ
ಏಪ್ರಿಲ್ 22ರಂದು ಪಹಲ್ಗಾಮ್ ನಲ್ಲಿ ನಡೆದಿದ್ದ ಪ್ರವಾಸಿಗರ ಹತ್ಯೆಗೆ ಭಾರತ ಆಪರೇಷನ್ ಸಿಂಧೂರ ಹೆಸರಿನಲ್ಲಿ ಪ್ರತೀಕಾರ ತೀರಿಸಿಕೊಂಡಿತ್ತು. ಇದೇ ಸಿಂಧೂರದ ಮೂಲಕವೀಗ ನಟಿ ಐಶ್ವರ್ಯಾ ರೈ ಫ್ರಾನ್ಸ್ ನಲ್ಲಿ ಮಿಂಚಿದ್ದಾರೆ. 2002ರಿಂದಲೂ ಈ ಕಾನ್ ಫೆಸ್ಟಿವಲ್ ನಲ್ಲಿ ಭಾಗಿಯಾಗುತ್ತಿರುವ ಐಶ್ವರ್ಯ ಸದಾ ವಿದೇಶಿ ಫ್ಯಾಷನ್ ಡಿಸೈನ್ಡ್ ಬಟ್ಟೆಗಳಲ್ಲೇ ಮಿಂಚಿದ್ದಾರೆ. ಆದರೆ, ಈ ಬಾರಿ ಮಾತ್ರ ಭಾರತದ ಸಂಸ್ಕೃತಿಯನ್ನು ಬಿಂಬಿಸುವ ಸೀರೆಯುಟ್ಟು ಅಖಾಕ್ಕಿಳಿದಿದ್ದಾರೆ. ಈ ಮೂಲಕ ಭಾರತದ ತಂಟೆಗೆ ಬಂದವರಿಗೆ ತಕ್ಕ ಪಾಠ ಕಲಿಸಿದ ಹಿಂದೂಸ್ತಾನದ ಪ್ರತಿನಿಧಿತ್ವ ವಹಿಸಿದ್ದಾರೆ.
ಕಾನ್ ಫಿಲ್ಮ್ ಫೆಸ್ಟಿವಲ್ ಗೆ ಮಗಳು ಆರಾಧ್ಯ ಜೊತೆ ಆಗಮಿಸಿದ ಐಶ್ವರ್ಯಾ, ಶ್ವೇತ ಬಣ್ಣದ ಬನಾರಸಿ ಸಿಲ್ಕ್ ಸೀರೆಯಲ್ಲಿ ಮಿಂಚಿದ್ದಾರೆ. ಪರಿಣಿತ ಕಲಾವಿದರ ಕೈಯಲ್ಲಿ ಅತ್ಯಂತ ನಾಜೂಕಿನ ಝರಿ ಕೆಲಸ ಹೊಂದಿರುವ ಈ ಸೀರೆಯನ್ನು ಖ್ಯಾತ ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಸಿದ್ಧ ಪಡಿಸಿದ್ದಾರೆ. ಇನ್ನು ಐಶ್ವರ್ಯರ ಕೊರಳಲ್ಲಿದ್ದ ರೂಬಿ ನೆಕ್ಲೇಸ್ ಕೂಡಾ ಹೊಸ ಹೊಳಪನ್ನು ನೀಡಿತ್ತು. ಆದ್ರೆ ಇದೆಲ್ಲಕ್ಕೂ ಕಳಸವಿಟ್ಟಂತೆ ಐಶ್ವರ್ಯ ಹಣೆಯ ಸಿಂಧೂರ ಭಾರತದ ಪ್ರತಿನಿಧಿತ್ವನ್ನು ಸಾರುತ್ತಿತ್ತು.
ವಿಚ್ಛೇದನ ಊಹಾಪೋಹಗಳಿಗೆ ಸಿಂಧೂರದ ಉತ್ತರ
ಹಾಗೆ ನೋಡಿದರೆ, ಕಳೆದೊಂದು ವರ್ಷದಿಂದ ಐಶ್ವರ್ಯ ಮತ್ತು ಅಭಿಷೇಕ್ ಇಬ್ರೂ ದೂರ ಆಗುತ್ತಿದ್ದಾರೆ. ಅನ್ನೋ ಮಾತುಗಳಿವೆ. ದಂಪತಿಗಳು ಪ್ರತ್ಯೇಕ ಮನೆಗಳಲ್ಲಿ ವಾಸವಿದ್ದಾರೆ ಅನ್ನೋದು ಈ ಸುದ್ದಿಯ ಬೆಂಕಿಗೆ ಮತ್ತಷ್ಟು ತುಪ್ಪ ಸುರಿದಿತ್ತು. ಆದ್ರೆ ಇದೆಲ್ಲಕ್ಕೂ ಉತ್ತರ ಎನ್ನುವಂತೆ ಐಶ್ವರ್ಯ ದಾಂಪತ್ಯದ ದೊಡ್ಡ ಹೆಗ್ಗುರುತು ಎನ್ನುವಂತೆ ಹಣೆಗೆ ಸಿಂಧೂರವಿಟ್ಟು ಕಾನ್ ಗೆ ಎಂಟ್ರಿಕೊಟ್ಟಿದ್ದು, ದೊಡ್ಡ ತಿರುಗೇಟಿನಂತಿತ್ತು. ಆದರೆ, ಅತ್ತ ಪತ್ನಿ ಫ್ರಾನ್ಸ್ ನಲ್ಲಿ ಮಿಂಚುತ್ತಿದ್ದರೆ ಇತ್ತ ಪತಿ ಅಭಿಷೇಕ್ ತನ್ನ ತಾಯಿ ಜೊತೆ ಮುಂಬೈನ ಪ್ರತಿಷ್ಠಿತ ಹೋಟೆಲ್ ನಲ್ಲಿ ಡಿನ್ನರ್ ಪಾರ್ಟಿ ಮಾಡಿದ್ದಾರೆ. ವಿಶೇಷ ಅಂದರೆ ಈ ಪಾರ್ಟಿಯಲ್ಲಿ ಅಮ್ಮ ಮಗನ ನಡುವೆ ಡಯಾನ ಪೆಂಟಿಗೇನು ಕೆಲಸ ಅನ್ನೋ ಪ್ರಶ್ನೆ ಮೂಡಿಸಿದೆ. ಹೌದು ಬಚ್ಚನ್ ಕುಟುಂಬದ ಈ ಔತಣದಲ್ಲಿ ಡಯಾನಾ ಪಾಲ್ಗೊಂಡಿದ್ದು ಮಾತ್ರ ಹಲವು ಪ್ರಶ್ನೆಗಳನ್ನು ಹುಟ್ಟು ಹಾಕಿದೆ.
