ಅಂತಿಮ ಚರಣ ತಲುಪಿದ ಇರಾನ್-ಇಸ್ರೇಲ್ ಕದನ; ಇಸ್ರೇಲ್ ದಾಳಿಗೆ ಸುಟ್ಟು ಬೂದಿಯಾದ ಇರಾನ್

ಆಗಸದಿಂದ ಚಿಮ್ಮಿದ ಬೆಂಕಿಯುಂಡೆಗಳು…ದೈತ್ಯ ಕಟ್ಟಡಗಳು, ವಾಯು ನೆಲೆಗಳು, ಅಣ್ವಸ್ತ್ರ ಸ್ಥಾವರೆಗಳೆಲ್ಲಾ ಉಡೀಸ್, ಉಡೀಸ್…ಉಡೀಸ್. ಬಾನೆತ್ತರಕ್ಕೆ ಆವರಿಸಿದ ದಟ್ಟ ಹೊಗೆ, ನೂರಾರು ಅಧಿಕಾರಿಗಳು, ಸೇನಾ ವರಿಷ್ಠರು, ವಿಜ್ಞಾನಿಗಳ ಬದುಕಿಗೆ ಅಂತಿಮ ಚರಣ. ಯೆಸ್, ಇದು ಕಳೆದ 20 ತಿಂಗಳಿಂದ ಪ್ಯಾಲಿಸ್ಚೇನಿನ ಗಾಜಾ ಪಟ್ಟಿಯನ್ನು ಟಾರ್ಗೆಟ್ ಮಾಡಿ ನಡೆದಿದ್ದ ದಾಳಿಯ ಎರಡನೇ ಅಧ್ಯಾಯವಾಗಿ ಇರಾನ್ ನನ್ನು ಸಂಹರಿಸೋ ಕಾಯಕ ಆರಂಭವಾಗಿದೆ. ಹೌದು, ಇರಾನ್ ನನ್ನು ಸಂಹರಿಸಿಯೇ ಸಿದ್ಧ ಅಂತಾ ಸಂಕಲ್ಪಗೈದಿರುವ ಇಸ್ರೇಲ್ ನ ಅಧ್ಯಕ್ಷ ಬೆಂಜಮನ್ ನೇತನ್ಯಾಹು, ಇತಿಹಾಸದಲ್ಲೇ ಅತ್ಯಂತ ಭಯಾನಕ ದಾಳಿ ಮಾಡಿದ್ದಾರೆ. ಆಪರೇಷನ್ ರೈಸಿಂಗ್ ಲಯನ್ ಹೆಸರಿನಲ್ಲಿ ಘನಘೋರ ವೈಮಾನಿಕ ದಾಳಿ ನಡೆಸಿದೆ.

ಇರಾನ್ ನ ಅಣ್ವಸ್ತ್ರ ಘಟಕಗಳು ಚಿಂದಿ
ಇಸ್ರೇಲ್ ದಾಳಿ ಹಿಂದಿನ ಕಾರಣವೇನು

ನಿಜಕ್ಕೂ ಇರಾನ್ ಮೇಲಿನ ಇಸ್ರೇಲ್ ದಾಳಿಗೆ ಕಾರಣವಾದ್ರು ಏನು. ನಿನ್ನೆ ಒಂದೇ ರಾತ್ರಿ ನಡೆದ ದಾಳಿಯ ಭೀಕರತಯೆನ್ನು ನೋಡಿದ್ರೆ, ಇಸ್ರೇಲ್ ನ ಕಡು ಕೋಪದ ಪರಿ ಜಗತ್ತಿಗೆ ಅರ್ಥವಾಗುತ್ತೆ. ಇಸ್ರೇಲ್ ನ ಹಮಾಸ್ ವಿರುದ್ಧದ ಸಮರ ಇಂದು ನಿನ್ನೆಯದಲ್ಲ. ಈ ಉಗ್ರರಿಗೆ ತೆರೆಮರೆಯಲ್ಲೇ ಇರಾನ್ ಆರ್ಥಿಕ ಮತ್ತು ಶಸ್ತ್ರಾಸ್ತ್ರ ಬಲ ನೀಡ್ತಿದೆ. ಇದರಿಂದಲೇ ಇಸ್ರೇಲ್ ಕೆರಳಿತ್ತು. ಈ ಉರಿಯೋ ಬೆಂಕಿಗೆ ಪೆಟ್ರೋಲ್ ಸುರಿದ್ರು ಎನ್ನುವಂತೆ ಇರಾನ್ ಕಳೆದ ಕೆಲ ತಿಂಗಳಿಂದ ಅಪಾರ ಪ್ರಮಾಣದ ಯುರೇನಿಯಂನನ್ನು ಸಂಗ್ರಹಿಸೋದಕ್ಕೆ ಶುರುಮಾಡಿತ್ತು. ಹಾಗೆ ನೋಡಿದ್ರೆ ಇರಾನ್ ಸಂಗ್ರಹಿಸಿರುವ ಯುರೇನಿಯಂನಲ್ಲಿ 15 ಅಣ್ವಸ್ತ್ರ ಬಾಂಬ್ ಗಳನ್ನು ಸಿದ್ಧ ಪಡಿಸಬಹುದಾಗಿದೆ. ಇದರ ಸುಳಿವು ಸಿಗ್ತಿದ್ದಂತೆ ಇಸ್ರೇಲ್ ಭವಿಷ್ಯದಲ್ಲಿ ಇರಾನ್ ತನ್ನ ಮೇಲೆ ಅಣು ಬಾಂಬ್ ದಾಳಿ ನಡೆಸಬಹುದು ಅನ್ನೋ ಆತಂಕದಲ್ಲೇ ಈ ಪಾಟಿ ಕ್ಷಿಪಣಿ ಮತ್ತು ಡ್ರೋನ್ ದಾಳಿ ನಡೆಸಿದೆ. ಇದರಲ್ಲಿ 78 ಇರಾನಿಗಳು ಸಾವನಪ್ಪಿದ್ರೆ 350ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಈ ನಡುವೆ, ಇರಾನ್ ವಾಯುಪಡೆಯ ಎಲ್ಲ ಕಮಾಂಡರ್ ಗಳು ಸೇರಿದಂತೆ ಕ್ಷಿಪಣಿ ದಾಳಿ ಮುಖ್ಯಸ್ಥನೂ ಹತನಾಗಿದ್ದಾನೆ ಎಂದಿದೆ. ರೆವೆಲ್ಯೂಷನರಿ ಗಾರ್ಡ್ ಮುಖ್ಯಸ್ಥ ಸ್ಥಹಾಜಿಝಾದೇ ಸಾವನಪ್ಪಿದ್ರೆ, ಇರಾನ್ ಸರ್ವೋಚ್ಛ ಧಾರ್ಮಿಕ ನಾಯಕ ಆಯತೊಲ್ಲಾ ಖೊಮೇನಿ ಇನ್ನೂ ಜೀವಂತವಾಗಿದ್ದಾನೆ.

ಜಗತ್ತಿನ ಮುಂದೆ ಮತ್ತೊಮ್ಮೆ ಮೊಸಾದ್ ತಾಕತ್ತು ಅನಾವರಣ
ಇರಾನ್ ನೊಳಗೇ ಸೇನಾ ಬೇಸ್ ರೂಪಿಸಿ ಇಸ್ರೇಲ್ ದಾಳಿ

ಅಚ್ಚರಿಯಾದರೂ ಇದು ಸತ್ಯ, ಮೊನ್ನೆ ಭಾರತ ಹೇಗೆ ಪಾಕಿಸ್ತಾನದೊಳಗೆ ನುಗ್ಗಿ ದಾಳಿ ಮಾಡಿತ್ತೋ ಅದೇ ಮಾದರಿಯಲ್ಲಿ ಇನ್ನೊಂದು ಹೆಜ್ಜೆ ಮುಂದಿಟ್ಟಿರುವ ಇಸ್ರೇಲ್, ಶತ್ರುಗಳ ಕಣ್ತಪ್ಪಿಸಿ ಅದೇ ದೇಶದೊಳಗೇ ತಮ್ಮ ಸೇನಾ ಬೇಸ್ ರೂಪಿಸಿ ದಾಳಿ ಮಾಡಿದೆ. ಹೌದು, ಜಗತ್ತಿನ ಅತ್ಯಂತ ಶಕ್ತ ಗುಪ್ತಚರ ಇಲಾಖೆ ಅಂತಲೇ ಕರೆಸಿಕೊಳ್ಳೋ ಮೊಸಾದ್, ಇರಾನ್ ನೊಳಗೇ ರಹಸ್ಯವಾಗಿ ಕ್ಯಾಂಪ್ ರೂಪಿಸಿ ಅಲ್ಲಿಂದಲೇ ಈ ದಾಳಿಯನ್ನು ಸಂಘಟಿಸಿದೆ. ಅದ್ರಲ್ಲೂ ಪ್ರಮುಖವಾಗಿ ಇರಾನ್ ನ ವಾಯುನೆಲೆ, ಅಣ್ವಸ್ತ್ರ ಸ್ಥಾವರಗಳನ್ನೆಲ್ಲಾ ಸುಟ್ಟು ಬೂದಿ ಮಾಡಿದೆ. ಆದ್ರೆ, ಅಣ್ವಸ್ತ್ರವಿನ್ನೂ ಸಿದ್ಧವಾಗಿಲ್ಲದ ಕಾರಣ, ಯಾವುದೇ ವಿಕಿರಿಣ ಸೋರಿಕೆ ಭೀತಿಯಿಲ್ಲ ಅಂತಲೂ ಇಸ್ರೇಲ್ ಸ್ಪಷ್ಟಪಡಿಸಿದೆ.

ಇಸ್ರೇಲ್ ದಾಳಿಗೆ ಇರಾನ್ ಪ್ರತ್ಯುತ್ತರ
ಟೆಲ್ ಅವೀವ್ ಟಾರ್ಗೆಟ್ ಮಾಡಿ ದಾಳಿ
ಇಸ್ರೇಲ್ ದಾಳಿಗೆ ಇರಾನ್ ಕೂಡಾ ಪ್ರತಿದಾಳಿ ನಡೆಸಿದೆ. ಇಸ್ರೇಲ್ ನ ರಾಜಧಾನಿ ಟೆಲ್ ಅವೀವ್ ಮೇಲೆ ಡ್ರೋನ್ ಹಾಗೂ ಕ್ಷಿಪಣಿ ದಾಳಿಯನ್ನು ಇರಾನ್ ನಡೆಸಿದೆ. ಆದ್ರೆ ಈ ದಾಳಿಯನ್ನು ಪ್ರತಿಬಂಧಕ ಕ್ಷಿಪಣಿ ಪ್ರಯೋಗಿಸಿ ನಿಷ್ಕ್ರಿಯಗೊಳಿಸಲಾಗಿದೆ ಅಂತಾ ಇಸ್ರೇಲ್ ಹೇಳಿಕೊಂಡಿದೆ. ಒಟ್ನಲ್ಲಿ, ಇಸ್ರೇಲ್-ಇರಾನ್ ಸಮರವೀಗ ಕಟ್ಟಕಡೆಯ ಹಂತ ತಲುಪಿದ್ದು ಮುಂದೆ ಮತ್ತಿನ್ಯಾವ ಸ್ವರೂಪ ಪಡೆಯುತ್ತೋ ಅನ್ನೋದು ಈಗಿರುವ ಪ್ರಶ್ನೆ.