ಮೂರನೇ ವಿಶ್ವ ಯುದ್ಧ ಆರಂಭವಾಗಿಬಿಡ್ತಾ? ಅಮೆರಿಕ ರಂಗಪ್ರವೇಶದ ಹಿಂದಿನ ಅಸಲಿ ಕಹಾನಿ ಏನು?

ಜಗತ್ತು ಈಗಾಗಲೇ ಎರಡು ಜಾಗತಿಕ ಸಮರಕ್ಕೆ ಸಾಕ್ಷಿಯಾಗಿದೆ. ಹಿರೋಶಿಮಾ-ನಾಗಾಸಾಕಿ ಅಮೆರಿಕದ ಅಣ್ವಸ್ತ್ರಕ್ಕೆ ಬೆಂದು ಹೋಗಿದ್ದು ಇಂದಿಗೆ ಕರಾಳ ಇತಿಹಾಸ. ಆದರೀಗ ಮತ್ತೊಮ್ಮೆ ಜಗತ್ತು ವಿಶ್ವಯುದ್ಧದ ತೆಕ್ಕೆಗೆ ಜಾರುತ್ತಿದೆ. ಇವತ್ತಿನವರೆಗೂ ಇಸ್ರೇಲ್-ಇರಾನ್ ನಡುವಷ್ಟೇ ಸೀಮಿತವಾಗಿದ್ದ ಯುದ್ಧಕ್ಕೀಗ ಅಧಿಕೃತವಾಗಿ ಅಮೆರಿಕ ಎಂಟ್ರಿ ಕೊಟ್ಟಿದೆ. ಅಲ್ಲಿಗೆ ಮೂರನೇ ಜಾಗತಿಕ ಸಮರಕ್ಕೆ ನಾಂದಿ ಹಾಡಿದಂತಾಗಿದೆ.

40 ವರ್ಷಗಳ ಬಳಿಕ ಇರಾನ್ ಮೇಲೆ ಮುಗಿಬಿದ್ದ ಅಮೆರಿಕ
ಇರಾನ್ ಮೇಲಿನ ದಾಳಿಯಲ್ಲಿ ಅಮೆರಿಕದ ಸ್ವಾರ್ಥವೇನು?
ಒಂದಲ್ಲಾ ಎರಡಲ್ಲಾ ಬರೋಬ್ಬರಿ 4 ದಶಕಗಳ ಬಳಿಕ ಅಮೆರಿಕ ಇದೀಗ ಇರಾನ್ ಮೇಲೆ ಪ್ರಬಲ ದಾಳಿ ನಡೆಸಿದೆ. ಹಾಗಂತಾ ಇದು ಕೇವಲ ಇಸ್ರೇಲ್ ಗೆ ಬೆಂಬಲವಾಗಿ ನಡೆದಿರುವ ದಾಳಿಯಂತೂ ಅಲ್ಲವೇ ಅಲ್ಲಾ.

ಇದರ ಹಿಂದೆ ಅಮೆರಿಕದ ಆ ದೊಡ್ಡದೊಂದು ಭೀತಿಯ ನೆರಳು ಪ್ರಜ್ವಲಿಸುತ್ತಿದೆ. ಹೌದು, ಇರಾನ್ ಅಮೆರಿಕದ ಕಣ್ತಪ್ಪಿಸಿ ತನ್ನ ಅಣ್ವಸ್ತ್ರವನ್ನು ಸಿದ್ಧ ಮಾಡಲು ಮುಂದಾಗಿತ್ತು. ಅಮೆರಿಕದ ವಾರ್ನಿಂಗ್ ಗೂ ಜಗ್ಗದ ಇರಾನ್, ತನ್ನ ಪರಮಾಣು ಪರೀಕ್ಷೆಯನ್ನು ಮುಂದುವರಿಸಿದ್ದೇ ದೊಡ್ಡಣ್ಣನನ್ನು ಇನ್ನಿಲ್ಲದಂತೆ ಕೆರಳಿಸಿತ್ತು. ಹೀಗಾಗಿಯೇ ಇಸ್ರೇಲ್ ನೆಪದಲ್ಲಿ ಅಮೆರಿಕ ಇದೀಗ ತನ್ನ ಸ್ವಾರ್ಥ ಸಾಧನೆಗೆ ಮುಂದಾಗಿದೆ.

ಇರಾನ್ ವಿರುದ್ಧ ಆಪರೇಷನ್ ಮಿಡ್ ನೈಟ್ ಹ್ಯಾಮರ್
ಇರಾನ್ ನ ಮೂರು ಅಣ್ವಸ್ತ್ರ ಕೇಂದ್ರಗಳು ಉಡೀಸ್
ಅಮೆರಿಕದ ಎಚ್ಚರಿಕೆ ಬೆನ್ನಲ್ಲೂ ಅಪಾರ ಯುರೇನಿಯಂ ಸಂಸ್ಕರಿಸಿದ್ದ ಇರಾನ್ ಮೇಲೆ ಕಡೆಗೂ ದಾಳಿಯಾಗಿದೆ. ಆಪರೇಷನ್ ಮಿಡ್ ನೈಟ್ ಹ್ಯಾಮರ್ ಹೆಸರಲ್ಲಿ ಸಮರ ಸಾರಿರುವ ಅಮೆರಿಕ, ಇರಾನ್ ನ ಮೂರು ಪ್ರಮುಖ ಅಣ್ವಸ್ತ್ರ ಕೇಂದ್ರಗಳನ್ನು ಛಿದ್ರಗೊಳಿಸಿದೆ. ಅದ್ರಲ್ಲೂ ಇರಾನ್ ನ ಅತ್ಯಂತ ಸುರಕ್ಷಿತ ಭೂಗತ ಅಣುಶಕ್ತಿ ನಗರಿ ಫೋರ್ಡೋವನ್ನು ಅಮೆರಿಕದ ಬಂಕರ್ ಬ್ಲಸ್ಟರ್ ಬಾಂಬ್ ಗಳು ಚಿಂದು ಉಡಾಯಿಸಿವೆ. ಇದರೊಟ್ಚಿಗೆ, ಇಸ್ಫಹಾನ್ ಮತ್ತು ಮಟಾಂಝ್ ಅಣುಕೇಂದ್ರಗಳನ್ನೂ ಅಮೆರಿಕ ಸರ್ವನಾಶ ಮಾಡಿದೆ.

ಅತ್ಯಂತ ರಣಘೋರ ದಾಳಿಗೆ ಮುಂದಾಗ ಅಮೆರಿಕ
ವಿಶ್ವ ಭೂಪಟದಿಂದ ಮಾಯವಾಗುತ್ತಾ ಇರಾನ್
ಆಪರೇಷನ್ ಮಿಡ್ ನೈಟ್ ಹ್ಯಾಮರ್ ಹೆಸರಲ್ಲಿ ಕದನಕ್ಕಿಳಿದಿರುವ ಅಮೆರಿಕ, ತನ್ನೆಲ್ಲಾ ಶಕ್ತಿ ಸಾಮರ್ಥ್ಯವನ್ನ ಇದೀಗ ಇರಾನ್ ಮೇಲೆ ಪ್ರಯೋಗಿಸಿದೆ. ಭಾನುವಾರದ ದಾಳಿಯಲ್ಲಿ ಅಮೆರಿಕದ 125 ಯುದ್ಧ ವಿಮಾನಗಳು, 14 ಬಾಂಬರ್, 40 ಕ್ಷಿಪಣಿಗಳನ್ನು ಬಳಸಿ ಸಂಹಾರ ಕಾರ್ಯಕ್ಕೆ ಪಾಂಚಜನ್ಯ ಮೊಳಗಿಸಿದೆ. ದೈತ್ಯ ಬೆಟ್ಟಗುಡ್ಡಗಳಿಂದ ಆವೃತವಾಗಿರುವ ಫೋರ್ಡೋ ಅಣ್ವಸ್ತ್ರ ಕೇಂದ್ರ ಇರಾನ್ ನ ದೊಡ್ಡ ಬಲದಂತಿತ್ತು. ಇದನ್ನೇ ಟಾರ್ಗೆಟ್ ಮಾಡಿ ಬಂಕರ್ ಬ್ಲಸ್ಟರ್ ಗಳನ್ನು ಅಮೆರಿಕ ಸಿಡಿಸಿದೆ. ಭೂಮಿಯಿಂದ 300ರಿಂದ 400 ಅಡಿ ಆಳದಲ್ಲಿರುವ ಈ ಅಣ್ವಸ್ತ್ರ ನಗರಿ ಇದೀಗ ನಾಮಾವಶೇಷವಾಗಿದೆ.

25 ನಿಮಿಷದ ದಾಳಿಗೆ ಇರಾನ್ ಅಲ್ಲೋಲ ಕಲ್ಲೋಲ
ಇರಾನ್ ಮೇಲೆ 13600 ಕೆಜಿ ಬಾಂಬ್ ಸ್ಫೋಟ
ಅಮೆರಿಕದ ಅತ್ಯಾಧುನಿಕ 125 ಯುದ್ಧ ವಿಮಾನಗಳ ಏಕಾಕಾಲಕ್ಕೆ ಇರಾನ್ ಮೇಲೆ ಮುಗಿಬಿದ್ದಿದ್ವು. ಭಾರತೀಯ ಕಾಲಮಾನಾನುಸಾರ ಮುಂಜಾನೆ 5 ಗಂಟೆಗೆ ಆರಂಭವಾದ ಆಪರೇಷನ್ ಮಿಡ್ ನೈಟ್ ಹ್ಯಾಮರ್, 25 ನಿಮಿಷಗಳ ಕಾಲ ನಡೆದಿದೆ. ಈ 25 ನಿಮಿಷದಲ್ಲಿ ಪ್ರಮುಖವಾಗಿ ಇರಾನ್ ನ ಮೂರು ಅಣ್ವಸ್ತ್ರ ಕೇಂದ್ರಗಳು ಧ್ವಂಸವಾಗಿವೆ. ಪ್ರತಿ ವಿಮಾನ ಅಂದಾಜು 13600 ಕೆಜಿಯ ಸ್ಫೋಟಗಳನ್ನು ಹೊತ್ತುಸಾಗಿ ಈ ದಾಳಿಯನ್ನು ಸಂಘಟಿಸಿದೆ. ಈ ಮೂಲಕ ಅಮೆರಿಕವನ್ನು ಇನ್ನಿಲ್ಲದಂತೆ ಕಾಡ್ತಿದ್ದ ಇರಾನ್ ನ ಅಣ್ವಸ್ತ್ರ ದಾಳಿ ಭೀತಿಯನ್ನು ಮಟ್ಟಹಾಕಲಾಗಿದೆ.