ಬೆಂಗಳೂರು: ಕಾರಿನ ಸನ್ ರೂಫ್‌ ತೆರೆದು ರೊಮ್ಯಾನ್ಸ್‌ ಮಾಡಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಕಾರಿನಲ್ಲಿದ್ದ ಜೋಡಿಗೆ ಹಲಸೂರು ಸಂಚಾರಿ ಪೊಲೀಸರು ದಂಡ ವಿಧಿಸಿದ್ದಾರೆ. ಮೊನ್ನೆ ರಾತ್ರಿ ಕೋರಮಂಗಲದಲ್ಲಿ ದಂಪತಿ ಊಟ ಮುಗಿಸಿ ವಾಪಾಸ್‌ ಬರುತ್ತಿದ್ದಾಗ ಟ್ರಿನಿಟಿ ಸರ್ಕಲ್ ಬಳಿ ಕಾರಿನ ಸನ್ ರೂಫ್‌ ತೆಗೆದು ಬೇಜವಾಬ್ದಾರಿ ವರ್ತಿಸಿದ್ದಾರೆ.
ಈ ದಂಪತಿ ವರ್ತನೆ ಹಿಂಬದಿಯ ವಾಹನ ಸವಾರ ತನ್ನ ಮೊಬೈಲ್‌ನಲ್ಲಿ ಸೆರೆಹಿಡಿದು ವಿಡಿಯೋ ಸಮೇತ ಪೊಲೀಸರಿಗೆ ಟ್ಯಾಗ್ ಮಾಡಿದ್ದ. ಇದೀಗ ಪೊಲೀಸರು, ಕಾರು ನಂಬರ್ ಪ್ಲೇಟ್ ಆಧರಿಸಿ ದಂಪತಿಯನ್ನು ಪತ್ತೆ ಹಚ್ಚಿ, ಅಪಾಯಕಾರಿ ರೀತಿ ಕಾರು ಚಾಲನೆಗೆ 1000 ಹಾಗೂ ಸಂಚಾರ ನಿಯಮಗಳ ಉಲ್ಲಂಘನೆಗೆ 500 ದಂಡ ಒಟ್ಟು 1500 ರೂ ದಂಡ ವಿಧಿಸಿದ್ದಾರೆ. ನಂತರ ಮುಂದೆ ಈ ರೀತಿಯ ವರ್ತನೆ ತೋರದಂತೆ ಎಚ್ಚರಿಕೆ ನೀಡಿದ್ದಾರೆ
