ಯುವರಾಜ್ ಕುಮಾರ್ ನಟನೆಯ ‘ಎಕ್ಕ’ ಸಿನಿಮಾ ಚಿತ್ರೀಕರಣ ಮುಗಿಸಿದ್ದು ಬಿಡುಗಡೆಗೆ ಸಿದ್ಧವಾಗಿದೆ. ಈಗಾಗಲೇ ಸಿನಿಮಾದ ಪ್ರಚಾರ ಕಾರ್ಯ ಪ್ರಾರಂಭ ಆಗಿದೆ. ಟೀಸರ್ ನಂತರ ಹಲವಾರು ಪ್ರಕ್ರಿಯೆಗಳು ನಡೆಯುತ್ತಿವೆ. ಜು. 18 ಕ್ಕೆ ಎಕ್ಕ ಸಿನಿಮಾ ರಿಲೀಸ್ ಆಗಿಲಿದೆ. ಈ ಕುರಿತಾಗಿ ಸದಾಶಿವನಗರದ ಹೈಡ್ ಪಾರ್ಕ್ ನಲ್ಲಿ ಎಕ್ಕ ಸಿನಿಮಾದ ಪತ್ರಿಕಾಗೋಷ್ಠಿ ನಡೆಯಿತು. ಈ ವೇಳೆ ಸಹ ನಿರ್ಮಾಪಕಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಆಗಮಿಸಿ ತಂಡಕ್ಕೆ ಶುಭ ಹಾರೈಸಿದರು.
ಕಾರ್ಯಕ್ರಮದಲ್ಲಿ ಚಿತ್ರದ ನಾಯಕಿ ಸಂಜನಾ ಆನಂದ್‌, ಸಂಪದ, ನಾಯಕ ಯುವರಾಜ್ ಕುಮಾರ್, ನಿರ್ದೇಶಕ ರೋಹಿತ್‌ ಪದಕಿ, ಚಿತ್ರದ ನಿರ್ಮಾಪಕರು ಭಾಗಿಯಾಗಿದ್ದರು.
ಚಿತ್ರದ ಕುರಿತು ಯುವರಾಜ್ ಕುಮಾರ್ ಮಾತನಾಡಿ, ಇವತ್ತು ಜಿಮ್‌ ಗಳಲ್ಲಿ ಹಾಗೂ ಎಲ್ಲಾ ಕಡೆ ಚಿಕ್ಕ ಮಕ್ಕಳೂ ಈ ಸಿನಿಮಾದ ಹಾಡನ್ನು ಹಾಡುತ್ತಾರೆ. ನನ್ನನ್ನು ಇದೂವರೆಗೆ ನೋಡದೇ ಇರುವ ಪಾತ್ರದಲ್ಲಿ ನೋಡುವಿರಿ. ಕಥೆಯೂ ವಿಭಿನ್ನವಾಗಿದೆ. ಮುತ್ತು ಒಂದು ಆಸೆ ಇಟ್ಟುಕೊಂಡು ಬೆಂಗಳೂರಿಗೆ ಬರುತ್ತಾನೆ. ಇದರಲ್ಲಿ ನಾನು ಎಕ್ಕ ಅಂದರೆ ಕಿಂಗ್ ಆಗಿ ಕಾಣಿಸಿಕೊಳ್ಳುತ್ತೇನೆ ಎಂದರು.
ಚಿತ್ರದ ನಾಯಕಿ ಸಂಜನಾ ಮಾತನಾಡಿ, ಸೋಷಿಯಲ್ ಮೀಡಿಯಾ ಓಪನ್ ಮಾಡಿದರೆ, ನಮ್ಮ ಸಿನಿಮಾದೆ ಹಾಡು ಕೇಳಿ ಬರುತ್ತಿದೆ. ನನಗೆ ಇಷ್ಟವಾದ ಪಾತ್ರ ಈ ಸಿನಿಮಾ ಮೂಲಕ ಸಿಕ್ಕಿದೆ. ನಮ್ಮ ಸಿನಿಮಾಗೆ ನಿಮ್ಮ ಬೆಂಬಲ ಇರಲಿ ಎಂದರು.
ಈ ಚಿತ್ರದಲ್ಲಿ ಇಬ್ಬರು ನಾಯಕಿಯರಿದ್ದು, ನಟಿ ಸಂಪದ ಮಾತನಾಡಿ, ಡಬ್ಬಿಂಗ್ ನಲ್ಲಿ ನನ್ನ ನೋಡಿ ನನಗೆ ಖುಷಿಯಾಯಿತು. ಯುವ ಜೊತೆಗೆ ಕೆಲಸ ಮಾಡಿದ್ದು ಖುಷಿಯಿದೆ ಎಂದರು.
ಇನ್ನು ಚಿತ್ರದ ಕುರಿತು ನಿರ್ದೇಶಕ ರೋಹಿತ್‌ ಪದಕಿ ಮಾತನಾಡಿ, ಈ ಸಿನಿಮಾವನ್ನು ಬಹಳ ಬೇಗ ಮಾಡಿ. 75 ದಿನ ಈ ಸಿನಿಮಾ ಶೂಟಿಂಗ್ ಮಾಡಿದ್ದೇವೆ. ರತ್ನನ್ ಪ್ರಪಂಚಗಿಂತ ಈ ಸಿನಿಮಾ ಬಹಳ ಚಾಲೆಂಜ್ ಇತ್ತು. ಇದು ಫ್ಯಾಮಿಲಿ ಆ್ಯಕ್ಷನ್ ಡ್ರಾಮ ಎಂದರು.
