ಬೆಂಗಳೂರು: ಬಿಗ್ ಬಾಸ್ ಖ್ಯಾತಿಯ ರಜತ್ ಹಾಗೂ ವಿನಯ್ ಗೌಡ ರೀಲ್ ವಿಚಾರವಾಗಿ ಬಂಧನಕ್ಕೆ ಒಳಗಾಗಿದ್ದು ಬಳಿಕ ಅವರು ನಿಜಕ್ಕೂ ಆಗಿದ್ದೇನು ಎನ್ನುವ ವಿಚಾರವಾಗಿ ಮತ್ತೆ ಮಾಧ್ಯಮಗಳಿಗೆ ಹೇಳಿಕೆ ಕೊಟ್ಟಿದ್ದಾರೆ.
ಇನ್ನು ಇವರಿಬ್ಬರು ಬಳಸಿರುವಂತಹದ್ದು ನಿಜವಾದ ಮಚ್ಚು ಎಂದು ಹೇಳಲಾಗಿತ್ತು. ಅದನ್ನು ಪೊಲೀಸರಿಗೆ ಸಿಗದಂತೆ ರೇಣುಕಾಸ್ವಾಮಿ ಶವ ಸಿಕ್ಕ ಸುಮ್ಮನಹಳ್ಳಿ ಮೋರಿಯಲ್ಲಿ ಎಸೆದಿದ್ದರು ಎನ್ನಲಾಗಿತ್ತು.
ಇದೀಗ ಬಗ್ಗೆ ರಜತ್ ಮಾತನಾಡಿದ್ದು, ಕೆಲವರು ನನ್ನನ್ನು ದರ್ಶನ್ ಹಾಗೂ ರೇಣುಕಾ ಸ್ವಾಮಿ ಕೊಲೆ ಕೇಸಿಗೆ ಲಿಂಕ್ ಮಾಡಲು ಯತ್ನಿಸಿದ್ದಾರೆ. ದರ್ಶನ್ ಅವರೆಲ್ಲಿ? ನಾನೆಲ್ಲಿ? ಆ ರೇಣುಕಾಸ್ವಾಮಿ ಎಲ್ಲಿ? ಒಂದಕ್ಕೊಂದು ಸಂಬಂಧವೇ ಇಲ್ಲ. ನಾನು ಸುಮನಹಳ್ಳಿ ಮೋರಿ ಬಳಿ ಮಚ್ಚು ಬಿಸಾಡಿದ್ದು ನಿಜ. ಆದರೆ, ನಾನು ಬಿಸಾಡಿದ್ದು ಸಹ ನಿಜವಾದ ಮಚ್ಚಲ್ಲ. ಅದು ಸೆಟ್ ಪ್ರಾಪರ್ಟಿ ಆಗಿತ್ತು’ ಎಂದಿದ್ದಾರೆ ರಜತ್. ಜಸ್ಟ್ ರೀಲ್ಸ್ ವಿಚಾರವಾಗಿ ಈ ಇಬ್ಬರು ಸೆಲೆಬ್ರಿಟಿಗಳು ಸ್ಟೇಷನ್ ಮೆಟ್ಟಿಲು ಏರಿದ್ದು ಇವರ ಅಭಿಮಾನಿಗಳು ತರಹೇವಾರು ಕಾಮೆಂಟ್ ಮಾಡುತ್ತಿದ್ದಾರೆ.
ಮಚ್ಚು ಬಿಸಾಡುವ ಅವಶ್ಯಕತೆ ಏನಿತ್ತು ಎಂಬ ಪ್ರಶ್ನೆಗೆ, ‘ಮಚ್ಚು ನನ್ನ ಬಳಿ ಇತ್ತು, ಸೆಟ್ ಅವರಿಗೆ ಕಾಲ್ ಮಾಡಿ ವಾಪಸ್ ಕೊಡಲು ಮುಂದಾದೆ ಅವರು ತಮ್ಮ ಲಗ್ಗೆರೆ ಗೋಡಾನ್ನಲ್ಲಿ ಮಚ್ಚು ಕೊಟ್ಟು ಬಿಡಿ ಎಂದರು. ಆದರೆ ನನಗೆ ಅಷ್ಟು ಸಮಯ ಇರಲಿಲ್ಲ. ನಾನು ಮಾರನೇಯ ದಿನ ಚಿತ್ರದುರ್ಗಕ್ಕೆ ಹೋಗಬೇಕಿತ್ತು. ಆದರೆ ಮಚ್ಚನ್ನು ಕಾರಿನಲ್ಲಿ ಇಡುವುದು ಸರಿಯಲ್ಲ ಎಂದು ನಾನು ಬಿಸಾಡಿದೆ’ ಎಂದಿದ್ದಾರೆ ರಜತ್.
ಸೆಟ್ನವರ ಬಳಿ ಅಂಥಹುದೇ ಮೂರು ಮಚ್ಚುಗಳಿವೆ, ಅವು ಬೇಗ ಮುರಿದು ಹೋಗುತ್ತವೆ ಎಂದೇ ಅವರು ಹೆಚ್ಚುವರಿ ಮಚ್ಚುಗಳನ್ನು ಮಾಡಿರುತ್ತಾರೆ. ಹಾಗಾಗಿ ಅವರೇ ಬಿಸಾಡಿ ಎಂದರು ಹಾಗಾಗಿ ಆ ಮಚ್ಚನ್ನು ನಾನು ಬಿಸಾಡಿದೆ. ಆದರೆ ಅದಕ್ಕೆ ನನ್ನನ್ನು ರೇಣುಕಾ ಸ್ವಾಮಿ ಕೊಲೆ ಪ್ರಕರಣಕ್ಕೆ ಲಿಂಕ್ ಮಾಡುವ ಪ್ರಯತ್ನವನ್ನು ಕೆಲವರು ಮಾಡಿದ್ದಾರೆ. ನನಗೂ ಆ ಪ್ರಕರಣಕ್ಕೂ ಯಾವುದೇ ಸಂಬಂಧ ಇಲ್ಲ’ ಎಂದು ಸ್ಪಷ್ಟಪಡಿಸಿದ್ದಾರೆ ರಜತ್.
