ಸಾಮಾನ್ಯವಾಗಿ ಎಟಿಎಂಗಳಿಂದ ಹಣ ಡ್ರಾ ಮಾಡುತ್ತಿದ್ದೀರಾ? ಹಾಗಿದ್ದರೆ ಇನ್ನೆರಡು ದಿನಗಳ ಬಳಿಕ ನಿಮ್ಮ ಜೇಬಿಗೆ ಬರೆ ಬೀಳುವುದು ನಿಶ್ಚಿತ!
ಹೌದು. ಮೇ 1ರಿಂದ ಎಟಿಎಂಗಳಿಂದ ಹಣ ವಿತ್ ಡ್ರಾ ಮಾಡುವುದು ದುಬಾರಿಯಾಗಲಿದೆ. ಗುರುವಾರದಿಂದಲೇ ಈ ನೂತನ ದರ ಜಾರಿಗೆ ಬರಲಿದೆ. ಪ್ರತಿ ಬ್ಯಾಂಕ್ ತನ್ನ ಬಳಕೆದಾರರಿಗೆ 3 ಉಚಿತ ಎಟಿಎಂ ವಿತ್ ಡ್ರಾ ಅವಕಾಶ ನೀಡಿದೆ. ಆದಾದ ಬಳಿಕ ಪ್ರತಿ ವಿತ್ ಡ್ರಾಗೆ 21 ರೂ. ಶುಲ್ಕ ವಿಧಿಸಲಾಗುತ್ತಿತ್ತು.
ಆದರೆ, ಇದೀಗ ಗುರುವಾರದಿಂದ ಈ ದರ ಮತ್ತಷ್ಟು ದುಬಾರಿಯಾಗಲಿದೆ. ಮೇ 1ರಿಂದ ಅನ್ವಯವಾಗುವಂತೆ ಉಚಿತದ ಬಳಿಕದ ಪ್ರತಿ ವಿತ್ ಡ್ರಾ ಗೆ 23 ರೂಪಾಯಿ ಶುಲ್ಕ ವಿಧಿಸಲಾಗುತ್ತೆ. ಹೀಗಾಗಿ ಗ್ರಾಹಕರು ಇನ್ಮುಂದೆ ಎಟಿಎಂ ವಿತ್ ಡ್ರಾಗು ಮುನ್ನ ಯೋಚಿಸಬೇಕಿದೆ.
