ʻ
ಆಟೋ ಡ್ರೈವರ್‌ಗೆ ಆಟೋ ಓಡಿಸುವಾಗ ತುಂಬ ಜವಾಬ್ದಾರಿಗಳಿರುತ್ತವೆ. ಪ್ರಯಾಣಿಕರನ್ನು ಸೇಫಾಗಿ ಮನೆ ತಲುಪಿಸಬೇಕು. ಅವರು ಎಲ್ಲಿಗೆ ಹೇಳ್ತಾರೋ ಅಲ್ಲಿಗೆ ಸುರಕ್ಷಿತವಾಗಿ ಬಿಡಬೇಕು. ಕಿರಿಕ್‌ ಮಾಡದೆ ಪ್ರಯಾಣಿಕರ ಜೊತೆ ಕೂಲ್ ಆಗಿ ನಡೆದುಕೊಳ್ಳಬೇಕು. ಆದರೆ ಬೆಂಗಳೂರಿನಲ್ಲಿ ಆಟೋ ಚಾಲಕನೊಬ್ಬ ಇದಕ್ಕೆ ತದ್ವಿರುದ್ಧವಾಗಿ ವರ್ತಿಸಿ ಸುದ್ದಿ ಆಗಿದ್ದಾನೆ. ಅದರಲ್ಲೂ ಪ್ರಜ್ಙೆ ಕಳೆದುಕೊಳ್ಳುವಷ್ಟರ ಮಟ್ಟಿಗೆ ಕುಡಿದು ಯುವತಿ ಜೊತೆ ಕಿರಿಕ್‌ ತೆಗೆದು ಛೀಮಾರಿ ಹಾಕಿಸಿಕೊಂಡಿದ್ದಾನೆ.
ಜೂನ್ 8ರಂದು ರಾತ್ರಿ 9 ರ ವೇಳೆಗೆ ಕುಂಡಲಹಳ್ಳಿ ಸಿಗ್ನಲ್‌ ಬಳಿ ಯುವತಿಯೊಬ್ಬಳು ಆಟೋ ಹತ್ತಿದ್ದಳು. ಸೇಫಾಗಿ ಕರೆದೊಯ್ಯುತ್ತಾನೆ ಎನ್ನುವ ಭರವಸೆಯಲ್ಲಿ ಕುಳಿತಿದ್ದಳು. ಆದರೆ, ಸ್ವಲ್ಪ ದೂರ ಸಾಗುತ್ತಲೇ ಆಟೋವನ್ನು ಚಾಲಕ ಅಡ್ಡಾದಿಡ್ಡಿಯಾಗಿ ಓಡಿಸಲು ಶುರು ಮಾಡಿದ್ದ. ಭಯ ಬಿದ್ದ ಯುವತಿ ʻಸರಿಯಾಗಿ ಆಟೋ ಓಡಿಸಪ್ಪʼ ಅಂತಾ ಹೇಳಿದ್ದಾರೆ. ಕೋಪಗೊಂಡ ಚಾಲಕ ಯುವತಿ ಜೊತೆ ಕಿರಿಕ್‌ ತೆಗೆದಿದ್ದಾನೆ. ಎಣ್ಣೆ ಗುಂಗಿನಲ್ಲಿ ಏಕವಚನದಲ್ಲೇ ಮಾತನಾಡಿದ್ದಾನೆ ಎನ್ನಲಾಗಿದೆ.
ಸೇಫಾಗಿ ಮನೆ ತಲುಪಿ ದೂರು ನೀಡಿದ ಯುವತಿ..!
ಯುವತಿ ಜೊತೆ ಗಲಾಟೆ ಮಾಡುತ್ತಿದ್ದನ್ನು ಕಂಡು ಅದೇ ರಸ್ತೆಯಲ್ಲಿ ಹೋಗುತ್ತಿದ್ದ ಇತರ ಚಾಲಕರು ಅಲ್ಲಿಗೆ ಬಂದಿದ್ದಾರೆ. ಕುಡಿದು ತೂರಾಡುತ್ತಿದ್ದ ಚಾಲಕನಿಗೆ ಬೈದಿದ್ದಾರೆ. ಬಳಿಕ ಬೇರೊಂದು ಆಟೋ ವ್ಯವಸ್ಥೆ ಮಾಡಿ ಸೇಫ್ ಆಗಿ ಯುವತಿಯನ್ನ ಮನೆಗೆ ಕಳುಹಿಸಿದ್ದಾರೆ. ಇಷ್ಟಕ್ಕೆ ಸುಮ್ಮನಾಗದ ಯುವತಿ, ರ್ಯಾಪಿಡೋ ಚಾಲಕನ ವಿರುದ್ಧ ದೂರು ದಾಖಲಿ ಕಿಕ್‌ ಇಳಿಸಿದ್ದಾಳೆ. ಯುವತಿ ನೀಡಿದ ದೂರಿನ ಮೇರೆಗೆ ಆಟೋ ಚಾಲಕನ ವಿರುದ್ಧ ರ್ಯಾಪಿಡೋ ಕ್ರಮ ತೆಗೆದುಕೊಂಡಿದೆ.
