ಟ್ಯಾಕ್ಸಿ ಚಾಲಕರಿಗೆ ಮೋದಿ ಭರ್ಜರಿ ಗುಡ್ ನ್ಯೂಸ್

ನೀವು ಟ್ಯಾಕ್ಸಿ ಚಾಲಕರಾಗಿದ್ದೀರಾ? ಓಲಾ, ಉಬರ್ ಕಂಪನಿಗಳ ಜತೆ ಟೈಅಪ್ ಮಾಡ್ಕೊಂಡಿದ್ದೀರಾ? ಹೆಚ್ಚು ಕಮಿಷನ್ ಕೊಡ್ಬೇಕಲ್ಲ ಅನ್ನೋ ಚಿಂತೆ ಕಾಡ್ತಿದೆಯೇ? ಹಾಗಾದ್ರೆ, ಚಿಂತೆ ಬೇಡ. ನೀವು ದುಡಿದ ಹಣದಲ್ಲಿ ಬಹುಪಾಲು ಹಣ ನಿಮಗೇ ಸಿಗುವ ಕಾಲವೀಗ ಸಮೀಪಿಸಿದೆ. ಹೌದು, ಟ್ಯಾಕ್ಸಿ ಚಾಲಕರು ಹಾಗೂ ಗ್ರಾಹಕರಿಗೆ ಅನುಕೂಲವಾಗ್ಲಿ ಅಂತ ಕೇಂದ್ರ ಸರ್ಕಾರವೇ ಹೊಸ ಟ್ಯಾಕ್ಸಿ ಸೇವೆ ಆರಂಭಿಸ್ತಿದೆ. ಅರೆ, ಇದೇನಿದು ಟ್ಯಾಕ್ಸಿ ಸೇವೆ ಅಂತೀರಾ? ನಾವ್ ಹೇಳ್ತೀವಿ ಕೇಳಿ.

ಟ್ಯಾಕ್ಸಿ ಚಾಲಕರಿಗೆ ಮೋದಿ ಗುಡ್ ನ್ಯೂಸ್
ಕೇಂದ್ರದಿಂದಲೇ ಟ್ಯಾಕ್ಸಿ ಸೇವೆ ಶೀಘ್ರ ಆರಂಭ
ಏನಿದು ಸಹಕಾರ ಟ್ಯಾಕ್ಸಿ ಸೇವೆ?

ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರವು ಸಹಕಾರ ಸಂಸ್ಥೆಗಳ ಪಾಲುದಾರಿಕೆಯಲ್ಲಿ ದೇಶಾದ್ಯಂತ ಆ್ಯಪ್ ಆಧರಿತ ಟ್ಯಾಕ್ಸಿ ಸೇವೆ ಆರಂಭಿಸಲು ಮುಂದಾಗಿದೆ. ಟ್ಯಾಕ್ಸಿ ಚಾಲಕರು ಹಾಗೂ ಗ್ರಾಹಕರಿಗೆ ಅನುಕೂಲವಾಗುವ ದಿಸೆಯಲ್ಲಿ‘ಸಹಕಾರ ಟ್ಯಾಕ್ಸಿ’ ಎಂಬ ಸೇವೆಗೆ ಡಿಸೆಂಬರ್ ನಲ್ಲಿ ಚಾಲನೆ ನೀಡಲಾಗುತ್ತದೆ. ದೇಶದ ಹಲವು ರಾಜ್ಯಗಳ ಸಹಕಾರ ಸಂಸ್ಥೆಗಳ ಸಹಯೋಗದಲ್ಲಿ‘ಸಹಕಾರ ಟ್ಯಾಕ್ಸಿ’ ಸೇವೆಗೆ ಚಾಲನೆ ನೀಡಲಾಗುತ್ತದೆ. ಲಾಭದ ಉದ್ದೇಶದ ಬದಲು, ಸಹಕಾರಿ ತತ್ವಗಳ ಆಧಾರದ ಮೇಲೆ ಸೇವೆ ಒದಗಿಸುವುದು ಕೇಂದ್ರ ಸರಕಾರದ ಉದ್ದೇಶವಾಗಿದೆ. ಈ ಕುರಿತು ಕೇಂದ್ರ ಸಹಕಾರ ಸಚಿವ ಅಮಿತ್ ಶಾ ಅವರೇ ಘೋಷಣೆ ಮಾಡಿದ್ದಾರೆ.

ಸಹಕಾರ ಟ್ಯಾಕ್ಸಿಯಿಂದ ಏನೆಲ್ಲ ಉಪಯೋಗ?
ಇದರ ಕಾರ್ಯನಿರ್ವಹಣೆ ಹೇಗಿರತ್ತೆ?
ಗ್ರಾಹಕರಿಗೂ ಏನೆಲ್ಲ ಪ್ರಯೋಜನ ಸಿಗಲಿವೆ?

ಖಾಸಗಿ ಅಗ್ರಿಗೇಟರ್ ಗಳಂತೆ ಗ್ರಾಹಕರಿಗೆ ಹೆಚ್ಚಿನ ಶುಲ್ಕ ವಿಧಿಸೋದಿಲ್ಲ. ಇನ್ನು ಪೀಕ್ ಅವರ್ನಲ್ಲಿಹೆಚ್ಚಿನ ಹಣವನ್ನು ಪೀಕುವುದಿಲ್ಲ. ಪ್ಲಾಟ್ಫಾರ್ಮ್ ಫೀ ಕೂಡ ಗ್ರಾಹಕರಿಗೆ ಇರುವುದಿಲ್ಲ. ಇನ್ನು ಟ್ಯಾಕ್ಸಿ ಚಾಲಕರಿಗೂ ಹಲವು ಅನುಕೂಲಗಳಿವೆ. ಟ್ಯಾಕ್ಸಿ ಸೇವೆ ಆದಾಯದಲ್ಲಿಚಾಲಕರಿಗೆ ಸಿಂಹಪಾಲು ಸಿಗತ್ತೆ. ಅಲ್ಲದೆ, ಸಾಮಾಜಿಕ ಭದ್ರತೆ ಯೋಜನೆಗಳಿಂದ ಹಣಕಾಸು ಭದ್ರತೆ ಕೂಡ ಸಿಗತ್ತೆ. ಲಾಭದ ಉದ್ದೇ ಇಲ್ಲದೆ, ಕೇವಲ ಟ್ಯಾಕ್ಸಿ ಚಾಲಕರಿಗೆ ಹಾಗೂ ಗ್ರಾಹಕರಿಗೆ ಅನುಕೂಲವಾಗಲಿ ಎಂದು ಯೋಜನೆ ಜಾರಿಗೆ ಸರ್ಕಾರ ಮುಂದಾಗಿದೆ.

ಯೋಜನೆಗಾಗಿ ಕೇಂದ್ರ 300 ಕೋಟಿ ರೂ. ಮೀಸಲು
ಸಹಕಾರ ಸಂಸ್ಥೆಗಳ ಪಾಲೂ ಇರಲಿದೆ
ಡಿಸೆಂಬರ್ ನಲ್ಲಿ ಜಾರಿಗೆ ಬರಲಿದೆ ಯೋಜನೆ

ಕೇಂದ್ರದ ಸಹಕಾರ ಸಚಿವಾಲಯ ಹಾಗೂ ರಾಜ್ಯ ಸಹಕಾರ ಸಂಸ್ಥೆಗಳ ಪಾಲುದಾರಿಕೆಯಲ್ಲಿ ಟ್ಯಾಕ್ಸಿ ಸೇವೆಗೆ ಚಾಲನೆ ನೀಡಲಾಗುತ್ತದೆ. ಇದಕ್ಕಾಗಿ ಸುಮಾರು 300 ಕೋಟಿ ರೂ. ನೀಡಲಾಗುತ್ತದೆ. ಈಗಾಗಲೇ, ಅಮುಲ್, ನಬಾರ್ಡ್, ಇಫ್ಕೋ, ಎನ್ ಡಿ ಡಿ ಬಿ, ಎನ್ ಸಿಡಿಸಿ ಸೇರಿ ವಿವಿಧ ಸಹಕಾರ ಸಂಸ್ಥೆಗಳು ಯೋಜನೆ ಜಾರಿಗೆ ಆಸಕ್ತಿ ತೋರಿವೆ. ಸಹಕಾರ ಸಂಸ್ಥೆಗಳು ಸೇವೆ ಜಾರಿಗೆ ತಲಾ 10 ಕೋಟಿ ರೂ. ನೀಡಲು ಸಜ್ಜಾಗಿವೆ ಎಂದು ತಿಳಿದುಬಂದಿದೆ. ಇದೇ ಡಿಸೆಂಬರ್ ನಲ್ಲಿ ಯೋಜನೆ ಜಾರಿಗೆ ಬರಲಾಗುತ್ತದೆ ಎಂದು ತಿಳಿದುಬಂದಿದೆ.

ಇದೊಂದು ಓಲಾ, ಉಬರ್ ರೀತಿಯ ಟ್ಯಾಕ್ಸಿ ಸೇವೆ ಆಗಿರಲಿದೆ. ಖಾಸಗಿ ಕಂಪನಿಗಳು ಸಹಜವಾಗಿ ಲಾಭದ ಉದ್ದೇಶದಿಂದ ಆ್ಯಪ್ ಆಧರಿತ ಟ್ಯಾಕ್ಸಿ ಸೇವೆ ಒದಗಿಸುತ್ತವೆ. ಆದರೆ, ಸಹಕಾರ ಟ್ಯಾಕ್ಸಿ ಸೇವೆಯು ವಾಹನ ಚಾಲಕರಿಗೆ ಹಾಗೂ ಗ್ರಾಹಕರಿಗೆ ಅನುಕೂಲವಾಗುವ ರೀತಿಯಲ್ಲಿನೀಡಲಾಗುತ್ತದೆ ಎಂದು ಅಮಿತ್ ಶಾ ತಿಳಿಸಿದ್ದಾರೆ. ಹಾಗಾಗಿ ಇದು ಎಲ್ಲರ ಗಮನ ಸೆಳೆದಿದೆ.

ಮೊದಲ ಹಂತದಲ್ಲಿ ಹಲವು ನಗರಗಳಲ್ಲಿ ಜಾರಿ
ಬಳಿಕ ದೇಶಾದ್ಯಂತ ಯೋಜನೆಗೆ ಜಾರಿಗೆ ಚಿಂತನೆ
ಹಾಗಾದರೆ, ಬೆಂಗಳೂರಿಗೆ ಇದು ಬರೋದು ಯಾವಾಗ?

ಆರಂಭಿಕ ಹಂತದಲ್ಲಿಯೇ ದೇಶಾದ್ಯಂತ ಟ್ಯಾಕ್ಸಿ ಸೇವೆ ಜಾರಿಗೆ ಬರುವುದಿಲ್ಲ. ಮೊದಲು ದಿಲ್ಲಿ, ಗುಜರಾತ್ ಹಾಗೂ ಮಹಾರಾಷ್ಟ್ರದಲ್ಲಿಯೋಜನೆಯನ್ನು ಜಾರಿಗೊಳಿಸಲಾಗುತ್ತದೆ. ಇದಾದ ಬಳಿಕ ಹಂತಹಂತವಾಗಿ ಬೆಂಗಳೂರು ಸೇರಿ ದೇಶಾದ್ಯಂತ ಆರಂಭಿಸಲಾಗುತ್ತದೆ ಎಂದು ಮೂಲಗಳು ತಿಳಿಸಿವೆ. ಆರಂಭದಲ್ಲಿ400-500 ಚಾಲಕರನ್ನು ಸೇವೆಗೆ ಸೇರಿಸಿಕೊಳ್ಳಲಾಗುತ್ತದೆ ಎಂದು ಹೇಳಲಾಗುತ್ತಿದೆ.

ಇದಿಷ್ಟೇ ಅಲ್ಲ, ಟ್ಯಾಕ್ಸಿ ಚಾಲಕರು ಸಹಕಾರ ಸಂಸ್ಥೆಗಳ ಷೇರುಗಳನ್ನು ಖರೀದಿಸಲು ಕೂಡ ಅವಕಾಶ ನೀಡಲಾಗತ್ತೆ. ಅಂದ್ರೆ, ಸಹಕಾರ ಟ್ಯಾಕ್ಸಿ ಸೇವೆ ಆರಂಭಿಸಿದ ನಂತರ ಚಾಲಕರು ಆರು ತಿಂಗಳವರೆಗೆ ಸೇವೆ ನೀಡಿದ್ರೆ ಅವರಿಗೆ 100 ರೂ.ಗೆ ಒಂದು ಷೇರಿನಂತೆ 5 ಷೇರುಗಳನ್ನು ನೀಡಲಾಗುತ್ತದೆ. ಅಲ್ಲಿಗೆ ಚಾಲಕರು ಸಹಕಾರ ಸಂಸ್ಥೆಗಳ ಪಾಲುದಾರರೂ ಆಗ್ತಾರೆ. ಒಟ್ನಲ್ಲಿ, ಇದು ಚಾಲಕರು ಹಾಗೂ ಗ್ರಾಹಕರಿಗೆ ಲಾಭವಾಗೋದರಲ್ಲಂತೂ ಎರಡು ಮಾತಿಲ್ಲ ಎಂದು ತಿಳಿದುಬಂದಿದೆ.