ಬದಲಾದ ಜೀವನ ಶೈಲಿ, ಆಹಾರ ಪದ್ಧತಿ ಸೇರಿ ನಾನಾ ಕಾರಣಗಳಿಂದ ಇತ್ತೀಚೆಗೆ ಬಂಜೆತನ ಹೆಚ್ಚಾಗುತ್ತಿದೆ. ಪುರುಷರು ಹಾಗೂ ಮಹಿಳೆಯರಲ್ಲಿ ಬಂಜೆತನವು ಸಮನಾಗಿ ಕಾಡುತ್ತಿದೆ. ಇನ್ನು, ಸರೋಗಸಿ ಹಾಗೂ ಐವಿಎಫ್ ಮೂಲಕವೂ ಈಗ ಗರ್ಭಧಾರಣೆ ಸಾಧ್ಯವಾಗುತ್ತಿಲ್ಲ. ಹೆಚ್ಚಿನ ಜನರಿಗೆ ಇವೂ ಸವಾಲಾಗುತ್ತಿವೆ. ಆದ್ರೆ, ಯಾರೂ ಮಾಡದ ಕೆಲಸವನ್ನ ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಅಥವಾ AI ಮಾಡುತ್ತಿದೆ. ಹೌದು, ಅಮೆರಿಕದಲ್ಲಿ ಮಹಿಳೆಯೊಬ್ಬರು ಎಐ ತಂತ್ರಜ್ಞಾನದಿಂದಲೇ ಗರ್ಭ ಧರಿಸಿದ್ದಾರೆ. ತಜ್ಞರು ಇಂತಹದ್ದೊಂದು ಪವಾಡವನ್ನು ಮಾಡಿದ್ದಾರೆ.
AI ಮೂಲಕ ಗರ್ಭ ಧರಿಸಿದ ಮಹಿಳೆ
ಅಮೆರಿಕದಲ್ಲಿ ನಡೆಯಿತು ಪವಾಡ
ಇದು ವೈದ್ಯಕೀಯ ಲೋಕದಲ್ಲೇ ಅಚ್ಚರಿ
ಹೌದು, ಅಮೆರಿಕದ ದಂಪತಿ ಕಳೆದ 19 ವರ್ಷಗಳಿಂದ ಮಗುವಿಗೆ ಪ್ರಯತ್ನಿಸುತ್ತಿದ್ದರು. ಸುಮಾರು 15 ಬಾರಿ IVF ಮಾಡಿದರು. ಆದರೆ ಪ್ರತಿ ಬಾರಿಯೂ ಅವರಿಗೆ ನಿರಾಶೆಯೇ ಕಾದಿತ್ತು. ಈಗ, ವೈದ್ಯರ ಸಹಾಯದಿಂದ, ಈ ದಂಪತಿಗಳು ‘STAR’ ಎಂಬ ಹೊಸ ಪರೀಕ್ಷೆಯನ್ನು ಮಾಡಿಸಿಕೊಂಡರು. ಈ ಪರೀಕ್ಷೆಯಲ್ಲಿ AI ತಂತ್ರಜ್ಞಾನವನ್ನು ಬಳಸಲಾಯಿತು. ಇದರ ಸಹಾಯದಿಂದ ಈ ದಂಪತಿ ಪೋಷಕರಾಗುವ ಸಂತೋಷವನ್ನು ಆನಂದಿಸಲು ಸಾಧ್ಯವಾಗಿದೆ. ಅಮೆರಿಕದ ಕೊಲಂಬಿಯಾ ವಿಶ್ವವಿದ್ಯಾಲಯದ ವೈದ್ಯರು AI ಸಹಾಯದಿಂದ ಅಂತಹ ಪವಾಡವನ್ನು ಮಾಡಿದ್ದಾರೆ.
ಮಹಿಳೆ ಗರ್ಭ ಧರಿಸಲು ಎಐ ಹೇಗೆ ನೆರವು?
ಏನಿದು ಸ್ಟಾರ್ ಎಐ ತಂತ್ರಜ್ಞಾನ?
ಅಷ್ಟಕ್ಕೂ ವೈದ್ಯರು ಮಾಡಿದ ಪವಾಡವೇನು?
STAR ನಲ್ಲಿ AI ಅನ್ನು ಬಳಸಲಾಗಿದೆ. STAR ಅಂದರೆ ಸ್ಪರ್ಮ್ ಟ್ರ್ಯಾಕಿಂಗ್ ಆಂಡ್ ರಿಕವರಿ ಅಂತ ಅರ್ಥ. ಇಲ್ಲಿ AI ಮನುಷ್ಯರು ಮಾಡಲು ಸಾಧ್ಯವಾಗದ ಕೆಲಸ ವನ್ನು ಮಾಡುತ್ತದೆ. STAR ತಂತ್ರಜ್ಞಾನದಿಂದ ಮಾಡಲ್ಪಟ್ಟ ಈ ಯಂತ್ರವು 1 ಗಂಟೆಯಲ್ಲಿ 80 ಲಕ್ಷ ಫೋಟೋಗಳನ್ನು ತೆಗೆಯುವ ಸಾಮರ್ಥ್ಯ ಹೊಂದಿದೆ. ಈ ಚಿತ್ರಗಳಲ್ಲಿ, AI ಗುಪ್ತ ವೀರ್ಯವನ್ನು ಕೂಡ ಕಂಡು ಕೊಳ್ಳುತ್ತದೆ ಮತ್ತು ನಂತರ ಈ ವೀರ್ಯವನ್ನು ವಿಶೇಷ ಯಂತ್ರದ ಮೂಲಕ ಸುರಕ್ಷಿತವಾಗಿ ಬೇರ್ಪಡಿಸಲಾಗುತ್ತದೆ. ಈ ತಂತ್ರಜ್ಞಾನವನ್ನು ಅಭಿವೃದ್ಧಿ ಪಡಿಸಲು ವೈದ್ಯರಿಗೆ ಸುಮಾರು 5 ವರ್ಷಗಳು ಬೇಕಾಯಿತು ಎಂದು ತಿಳಿದುಬಂದಿದೆ.
ಪುರುಷನ ವೀರ್ಯ ತೆಗೆಯಲು ಸ್ಟಾರ್ ಎಐ ಸಹಕಾರಿ
ಲಕ್ಷಾಂತರ ಜನರಲ್ಲಿ ಭರವಸೆ ಮೂಡಿಸಿದ ತಂತ್ರಜ್ಞಾನ
ಅಮೆರಿಕ ತಜ್ಞರಿಗೆ ಜೈ ಎಂದಿತು ಇಡೀ ವಿಶ್ವ
STAR AI ತಂತ್ರಜ್ಞಾನವನ್ನು ಬಳಸಿಕೊಂಡು, ವೈದ್ಯರು ಪುರುಷನ ವೀರ್ಯದಲ್ಲಿ ಅಡಗಿರುವ ಆರೋಗ್ಯಕರ ವೀರ್ಯವನ್ನು ಹೊರತೆಗೆದರು ಮತ್ತು ಈ ವೀರ್ಯಗಳಲ್ಲಿ ಒಂದನ್ನು ಮೊಟ್ಟೆಯೊಳಗೆ ಸೇರಿಸಲಾಯಿತು. ದೀರ್ಘ ಕಾಯುವಿಕೆಯ ನಂತರ, ಮಹಿಳೆ ಗರ್ಭಿಣಿಯಾದಳು. ಸುಮಾರು 19 ವರ್ಷದ ಬಳಿಕ ಮಹಿಳೆಯು ಈಗ ತಾಯಿಯಾಗಿದ್ದಾರೆ. ಇವರ ಪತಿಯು ಕೂಡ ಈಗ ಖುಷಿಯಾಗಿದ್ದಾರೆ.
ದಂಪತಿಯಲ್ಲಿ, ಪುರುಷನಿಗೆ ಅಜೋಸ್ಪೆರ್ಮಿಯಾ ಎಂಬ ಬಂಜೆತನದ ಸಮಸ್ಯೆ ಇತ್ತು. ಇದು ಅಮೆರಿಕದಲ್ಲಿ ಒಟ್ಟು ಬಂಜೆತನ ಪ್ರಕರಣಗಳಲ್ಲಿ ಶೇಕಡಾ 10 ರಷ್ಟು ಪ್ರಕರಣಗಳಿಗೆ ಕಾರಣವಾಗಿದೆ. ಅಜೂಸ್ಪೆರ್ಮಿಯಾ ಎಂದರೆ ಪುರುಷರ ಲೋಳೆಯಲ್ಲಿ ವೀರ್ಯ ಕಂಡುಬರದ ಸ್ಥಿತಿ ಅಥವಾ ಅವು ತುಂಬಾ ಚಿಕ್ಕದಾಗಿರುತ್ತವೆ. ಅಲ್ಲೆ, ಇವು ಕಾಣಿಸುವುದೂ ಇಲ್ಲ. ಮನುಷ್ಯರಿಗೆ ಅವುಗಳನ್ನು ಪತ್ತೆಹಚ್ಚುವುದು ಕಷ್ಟ. ಆದ್ರೆ, ಮನುಷ್ಯನಿಂದಲೂ ಮಾಡದ ಕೆಲಸವನ್ನು ಎಐ ಮಾಡಿದೆ ಎಂಬುದೇ ಅಚ್ಚರಿಯ ಸಂಗತಿಯಾಗಿದೆ. ಒಟ್ನಲ್ಲಿ ಎಐ ತಂತ್ರಜ್ಞಾನದಿಂದ ಲಕ್ಷಾಂತರ ದಂಪತಿಗಳಲ್ಲಿ ಹೊಸ ಭರವಸೆ ಮೂಡಿದ್ದಂತೂ ಸತ್ಯ.
ಗಮನಿಸಿ: ಎಐನಿಂದ ಮಹಿಳೆ ಗರ್ಭಿಣಿಯಾದರು ಎಂಬ ಅಚ್ಚರಿಯ ವಿಷಯವನ್ನು ನಿಮಗೆ ಮಾಹಿತಿಯ ದೃಷ್ಟಿಯಿಂದ ಮಾತ್ರ ನೀಡಿದ್ದೇವೆ. ಹಾಗಾಗಿ, ಇದು ಗರ್ಭಧಾರಣೆಗೆ ನಾವು ನಿಮಗೆ ಶಿಫಾರಸು ಮಾಡುತ್ತಿಲ್ಲ. ಯಾವುದೇ ವೈದ್ಯಕೀಯ ಚಿಕಿತ್ಸೆಗಾಗಿ ವೈದ್ಯರನ್ನೇ ಭೇಟಿ ಮಾಡಿ. ನಿಮಗೆ ಮಾಹಿತಿ ನೀಡುವುದಷ್ಟೇ ನಮ್ಮ ಉದ್ದೇಶ.
